پاکستان فوج کے شعبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری نے کہا ہے کہ بی ایل اے اور فتنہ الخوارج ہندوستانی ایما پر پاکستان میں دہشتگردی میں ملوث ہیں۔
یہ بھی پڑھیں فوج نے اپنا کام کیا یا نہیں؟ ڈی جی آئی ایس پی آر کی طلبہ اور اساتذہ کے ساتھ نشست
آئی ایس پی آر کے مطابق لیفٹیننٹ جنرل احمد شریف چوہدری نے نیشنل یونیورسٹی آف ماڈرن لینگویجز (نمل) اسلام آباد کیمپس کے طلبا اور اساتذہ کے ساتھ خصوصی نشست کی۔
لیفٹیننٹ جنرل احمد شریف چوہدری نے کہاکہ ہندوستان خطے میں دہشتگردوں کی آماجگاہ ہے، ہم سب نے مل کر ایک آہنی دیوار کی مانند دہشتگردی کو شکست دینی ہے۔ پاکستان امن کا گہوارہ ہے، اور پاکستان کی فتح دراصل امن کی فتح ہے۔
لیفٹیننٹ جنرل احمد شریف نے کہاکہ پاکستانی افواج عوام سے ہیں اور عوام پاکستانی افواج سے ہیں۔
یہ بھی پڑھیں پاکستان حملہ کرے گا تو دنیا دیکھے گی اور گونج بھی سنائی دے گی، ڈی جی آئی ایس پی آر
اس موقع پر طلبا و طالبات نے کہاکہ پاک فوج نے جس طرح بھارت کی جارحیت کا منہ توڑ جواب دیا ہے وہ اسے زندگی بھر یاد رہے گا، ہمیں اپنی افواج پر فخر ہے۔
