انٹرنیشنل کرکٹ کونسل (آئی سی سی) نے ون ڈے کرکٹ میں بیٹنگ، باؤلنگ اور آل راؤنڈرز کی نئی رینکنگ جاری کر دی ہے۔
انٹرنیشنل کرکٹ کونسل کی جانب سے جاری کی گئی رینکنگ کے مطابق پاکستان کرکٹ ٹیم کے کپتان بابر اعظم بدستور پہلی پوزیشن پر براجمان ہیں جبکہ قومی ٹیم کے جارحانہ بیٹر فخر زمان رینکنگ میں دوسرے نمبر پر ہیں۔
پاکستان کرکٹ ٹیم کے بیٹر امام الحق کی 2 درجے تنزلی ہوئی ہے اور وہ پانچویں نمبر پر آ گئے ہیں۔
آئی سی سی کے مطابق باؤلرز کی رینکنگ میں آسٹریلوی باؤلر جوش ہیز لووڈ پہلے نمبر پر ہیں جبکہ قومی ٹیم کے باؤلر شاہین شاہ آفریدی 2 درجے تنزلی کے بعد دسویں نمبر پر آگئے ہیں۔
اس کے علاوہ قومی ٹیم کا کوئی بھی کھلاڑی آل راؤنڈر رینکنگ میں ٹاپ ٹین میں جگہ نہیں بنا سکا اور بنگلہ دیش کے کھلاڑی شکیب الحسن بدستور پہلے نمبر پر موجود ہیں۔
