گرمیوں میں بغلوں کی بدبو سے نجات، آزمودہ اور آسان تدابیر

گرمیوں کا موسم آتے ہی پسینے کے ساتھ بغلوں سے آنے والی بدبو ایک عام مگر پریشان کن مسئلہ بن جاتی ہے۔ لیکن فکر کی بات نہیں، چند سادہ احتیاطی تدابیر اور گھریلو ٹوٹکوں سے آپ اس مسئلے پر قابو پا سکتے ہیں۔

یہ بھی پڑھیں:ٹوٹے دانت سے پریشان لوگوں کی بڑی مشکل آسان ہوگئی

روزانہ نہانا

روزانہ نہانا بدبو پیدا کرنے والے بیکٹیریا کو ختم کرتا ہے، خاص طور پر بغلوں کو صابن سے اچھی طرح دھونا بہت ضروری ہے۔

اینٹی پرسپیرنٹ یا ڈیوڈرنٹ کا استعمال

ایسے پروڈکٹس استعمال کریں جو پسینہ روکتے اور خوشبو دیتے ہیں۔ سونے سے پہلے لگانے سے زیادہ مؤثر نتائج سامنے آتے ہیں۔

بغلوں کے بال صاف رکھیں

بالوں کی موجودگی میں بیکٹیریا آسانی سے جمع ہوتے ہیں، اس لیے صفائی ضروری ہے۔

ڈھیلے اور ہلکے کپڑوں کا انتخاب

قدرتی کپڑے جیسے کاٹن یا لینن پسینے کو جذب کرتے ہیں اور بدبو کم کرتے ہیں۔

آزمودہ گھریلو ٹوٹکے

لیموں کا رس: بغلوں پر لگانے سے بیکٹیریا ختم ہوتے ہیں۔

بیکنگ سوڈا: بدبو کو جذب کرتا ہے۔

سیب کا سرکہ: اینٹی بیکٹیریل اثر رکھتا ہے، روئی سے بغلوں پر لگائیں۔

غذا پر نظر ثانی کریں

مرچ مصالحے، کیفین، پیاز اور لہسن جیسی چیزیں بدبو کو بڑھا سکتی ہیں۔ زیادہ پانی پینا اور دہی، سبزیاں، پھل کا استعمال مفید ہے۔

پسینے والے کپڑے فوراً تبدیل کریں

گیلے اور پسینے سے بھرے کپڑوں میں دیر تک رہنا بدبو بڑھاتا ہے۔ خاص طور پر انڈروئیر اور بنیان روزانہ تبدیل کریں۔

اگر مسئلہ برقرار رہے؟

اگر ان تمام تدابیر کے باوجود بدبو ختم نہ ہو تو ماہرِ جلد یا ڈاکٹر سے رجوع کریں کیونکہ یہ کسی اندرونی طبی مسئلے کی علامت ہو سکتی ہے۔