شنگھائی تعاون تنظیم میں شرکت کے لیے وفاقی وزیر خارجہ بلاول بھٹو زرداری بھارت پہنچ گئے ہیں۔ بھارت روانگی سے قبل بلاول بھٹو نے اپنے پیغام میں کہا تھا کہ اجلاس میں شرکت کا فیصلہ واضح پیغام دیتا ہے کہ پاکستان شنگھائی تعاون تنظیم کو کتنی اہمیت دیتا ہے۔
https://twitter.com/Aaliyan_Marwa/status/1654051683016798208
بلاول بھٹو زرداری آج صبح شنگھائی تعاون تنظیم کے اجلاس میں شرکت کے لیے کراچی سے براہ راست گوا روانہ ہوئے تھے۔
وزیر خارجہ نے بھارت روانگی کے وقت اپنے ایک ویڈیو پیغام بھی جاری کیا جس میں ان کا کہنا ہے کہ انڈیا دورے پر توجہ صرف شنگھائی تعاون تنظیم کے اجلاس پر مرکوز ہو گی۔
جمعرات کو بھارت جانے سے قبل انہوں نے کہا کہ میرے اس دورے کے دوران پوری توجہ صرف شنگھائی تعاون تنظیم کے اجلاس پر مرکوز ہوگی۔
On my way to Goa, India. Will be leading the Pakistan delegation at the Shanghai Cooperation Organization CFM. My decision to attend this meeting illustrates Pakistan’s strong commitment to the charter of SCO.
During my visit, which is focused exclusively on the SCO, I look… pic.twitter.com/cChUWj9okR
— BilawalBhuttoZardari (@BBhuttoZardari) May 4, 2023
وزیر خارجہ نے کہا ’اس دورے کے دوران میں دوست ممالک کے اپنے ہم منصبوں کے ساتھ تعمیری مذاکرات کے لیے پر امید ہوں۔‘
انھوں نے مزید کہا کہ گوا کے دورے پر میں پاکستانی وفد کی قیادت کر رہا ہوں اور میرا اس اجلاس میں شرکت کا فیصلہ یہ واضح پیغام دیتا ہے کہ پاکستان شنگھائی تعاون تنظیم کو کتنی اہمیت دیتا ہے اور اس کے چارٹر کے ساتھ مضبوط عزم کی نمائندگی کرتا ہے۔
مزید پڑھیں
’میں اس تنظیم کے ساتھ منسلک ممالک کے ساتھ دو طرفہ تعلقات و مذاکرات کے لیے پر امید ہوں۔‘
یادرہے کہ سن 2011 کے بعد کسی بھی پاکستانی وزیر خارجہ کا پہلا دورہ بھارت ہے۔
تحریک انصاف کی تنقید اور تعریف
دوسری طرف تحریک انصاف کے رہنما فواد چوہدری نے وزیرخارجہ بلاول بھٹو زرداری کے دورہ بھارت کی مذمت کی ہے۔
ان کا کہنا ہے کہ ’ بلاول کے گوا کے دورے کی سخت مذمت کرتا ہوں، بلاول بھٹو ویڈیو لنک پر اجلاس میں شرکت کر سکتے تھے لیکن مودی کی محبت میں ان حکمرانوں کے لیے کشمیریوں پر مظالم اور مسلمانوں اور اقلیتوں کے ساتھ ظلم کی کوئی اہمیت نہیں، مودی کو خوش کرنے کے لیے یہ حکمران ہر حد پار کرنے کو تیار ہیں۔‘
Strongly condemn FM visit of Goa, participation would have been possible on video but problem is you people in love of Modi are ready to disregard atrocities committed by Modi Janta in Kashmir and hardships Muslims of India and minorities to make Modi Janta happy. Pak Foreign… https://t.co/TTdhVhgZAs
— Ch Fawad Hussain (@fawadchaudhry) May 4, 2023
تحریک انصاف ہی کی رہنما شریں مزاری نے بھی تنقیدی ٹویٹ کرتے ہوئے لکھا کہ ’جیسا کہ میں نے پہلے بتایا تھا کہ امپورٹڈ وزیر خارجہ امریکہ کو اسرائیل اور انڈیا کے حوالے سے خوش کرنے کے باجوہ پلان کے ساتھ اپنی وفاداری ظاہر کرنے کے لیے گوا جانے کے لیے بے چین ہے۔
انھوں نے پھر سے افغانستان کے اجلاس کو نظرانداز کیا کیونکہ وہاں کوئی فوٹو سیشن نہیں ہونا! انڈیا کی طرف سے دوطرفہ ملاقات سے انکار کے باوجود، وہ جانے کے لیے بے چین ہیں۔
As I had pointed out earlier, Imported FM desperate to go to Goa to show his loyalty to Bajwa Plan of appeasing US on Israel & India. He again missed mtg on Afgh bec no photo ops there! Despite insult by India of refusal to arrange bilateral mtgs, he's desperate to go!… pic.twitter.com/tdkLtn4yVj
— Shireen Mazari (@ShireenMazari1) May 4, 2023
