وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا۔
وفاقی وزارت خزانہ کے مطابق حکومت نے پیٹرول کی فی لیٹر قیمت میں ایک روپے کا اضافہ کیا ہے، جبکہ ڈیزل کی قیمت برقرار رکھی گئی ہے۔
وزارت خزانہ کے مطابق پیٹرول کی نئی قیمت 253.63 روپے فی لیٹر ہوگی، جبکہ ڈیزل کی قیمت 254.64 روپے پر برقرار ہے۔
وفاقی وزارت خزانہ سے جاری نوٹیفکیشن کے مطابق نئی قیمتوں کا اطلاق رات 12 بجے سے ہوگا۔
واضح رہے کہ اس سے قبل 16 مئی کو حکومت نے پیٹرول کی قیمت برقرار رکھتے ہوئے ہائی اسپیڈ ڈیزل کی قیمت میں 2 روپے فی لیٹر کمی کا اعلان کیا تھا۔
