بھارتی ریاست سکم میں ایک فوجی کیمپ پر مٹی کا تودہ گرنے سے 3 بھارتی فوجی ہلا ک اور 6 لاپتا ہوگئے ہیں۔
یہ بھی پڑھیں ’بھارتی فوجی مہم جوئی کا فوری اور بھرپور جواب دیا جائے گا‘ آرمی چیف اگلے مورچوں پر پہنچ گئے
میڈیا رپورٹس کے مطابق ایک دفاعی عہدیدار نے بتایا ہے کہ یہ واقعہ ریاست کے ضلع منگن کے قصبے لاچن میں تیز بارشوں کے باعث پیش آیا۔
انہوں نے کہاکہ علاقے میں شدید اور مسلسل بارش کے بعد لینڈ سلائیڈنگ کے نتیجے میں 3 فوجی اہلکار ہلاک ہو گئے ہیں جن کی شناخت حوالدار لکھویندر سنگھ، لانس نائیک منیش ٹھاکر اور پورٹر ابھیشیک لکھڑا کے ناموں سے ہوئی ہے۔
ہلاک ہونے والے اہلکاروں کی لاشیں ملبے سے نکال لی گئی ہیں جبکہ 4 فوجی واقعے میں زخمی ہوئے ہیں۔
یہ بھی پڑھیں آگ دیکھ کر بھارتی فوجی افراتفری کا شکار
انہوں نے کہاکہ امدادی ٹیمیں لاپتا ہونے والے 6 اہلکاروں کو تلاش کررہی ہیں۔
