لاس اینجلس میں مقیم معروف ٹک ٹاکر نٹالی رینالڈز کو ٹک ٹاک سے بین کر دیا گیا کیونکہ انہوں نے ذہنی طور پر بیمار اور بے گھر خاتون کو 20 ڈالر دینے کا جھانسہ دے کر جھیل میں کودنے پر مجبور کیا۔ حالانکہ وہ جانتی تھیں کہ خاتون تیرنا نہیں جانتیں۔ جب وہ خاتون پانی میں کود گئیں تو نیٹلی موقع سے فرار ہو گئیں اور بعد میں آسٹن کی فائر بریگیڈ اور پیرامیڈکس نے اس عورت کو پانی سے نکالا۔
ویڈیو وائرل ہونے کے بعد انفلوئنسر نے دعویٰ کیا کہ یہ اسٹنٹ ’اسکینجر ہنٹ‘ کا حصہ تھا، لیکن ویڈیو میں انہیں خاتون کے مدد کے پکارنے کے باوجود وہاں سے بھاگتے ہوئے دکھایا گیا۔ حالانکہ انہوں نے وعدہ کیا تھا کہ وہ بھی جھیل میں چھلانگ لگائیں گی لیکن انہوں نے ایسا نہیں کیا۔ اور دوسری جانب خاتون نے پانی میں جاتے ہی چیخ کر کہا کہ وہ تیرنا نہیں جانتیں۔
‼️TikToker Natalie Reynolds was banned from TikTok for deceiving a mentally ill homeless woman into jumping into a lake, by promising her $20.00, and then running away when she could not swim.
Austin fire dept/paramedics had to pull her out of the water. pic.twitter.com/1N3RnnU48t
— i Expose Racists & Pedos (@SeeRacists) June 9, 2025
سوشل میڈیا صارفین اس واقعے پر شدید ناراض ہوئے اور قانونی کارروائی کا مطالبہ کیا۔ جس کے بعد انہیں ٹک ٹاک سے بین کر دیا گیا۔ ٹک ٹاک سے بین ہونے کے بعد کانٹینٹ کریئیٹر نٹالی رینالڈز کو ٹک ٹاک کے لاس اینجلس ہیڈکوارٹر کے باہر پریشان حالت میں دیکھا گیا۔
26 سالہ انفلوئنسر عمارت کے شیشے کے دروازوں سے فون کال کے دوران بات کرنے کی کوشش کرتے ہوئے واضح طور پر افسردہ نظر آئیں، اور اطلاعات کے مطابق وہ اپنے معطل شدہ اکاؤنٹ کی بحالی کی کوشش کر رہی تھیں۔
ٹک ٹاکر نٹالی رینالڈز نے اپنے اکاؤنٹ پر پابندی کی وجہ دوسرے کریئیٹرز کی پیشہ ورانہ حسد کو قرار دیا، لیکن کئی آن لائن تبصرہ نگاروں کا ماننا ہے کہ پابندی کی اصل وجہ حالیہ واقعے پر ہونے والا ردعمل ہے۔
واضح رہے کہ نٹالی رینالڈز نے 2022 میں لپ سنک اور ڈانس ویڈیوز کے ذریعے شہرت حاصل کی، اور بعد میں اپنے بوائے فرینڈ زیکری ہیولسمین کے ساتھ پرینک ویڈیوز اور کولیبریٹو اسکیٹس بناتے ہوئے یوٹیوب پر 5.6 ملین سبسکرائبرز اور انسٹاگرام پر 133,000 فالوورز حاصل کر لیے۔
