ایران نے دعویٰ کیا ہے کہ اس نے اسرائیل کا ایک اور ایف 35 طیارہ مار گرایا ہے۔
ایرانی میڈیا کے مطابق ایرانی فوج نے تبریز میں اسرائیل کا ایف 35 طیارہ مار گرایا ہے جو بمباری کی غرض سے پرواز کررہا تھا۔
یہ بھی پڑھیں پی آئی اے پائلٹ نے اسرائیل کی طرف داغے گئے ایرانی میزائلوں کی ویڈیو بنالی، سوشل میڈیا پر وائرل
واضح رہے کہ ایران نے اس سے قبل اسرائیل کے 3 ایف 35 طیارے مار گرانے کا دعویٰ کیا ہے، تاہم اسرائیل کی جانب سے اس کی تردید کی گئی تھی۔
ایران اور اسرائیل کے درمیان کشیدگی شدت اختیار کرتی جارہی ہے، اور دونوں ملکوں کے ایک دوسرے پر حملے جاری ہیں۔
اسرائیل نے تازہ کارروائی میں ایران کے مختلف شہروں پر بمباری کی ہے۔ اس دوران سرکاری ٹی وی کے ہیڈکوارٹر پر بھی میزائل داغے گئے ہیں۔
دوسری جانب ایران نے اسرائیل کو وارننگ دی ہے کہ ہم ایک بڑے میزائل حملے کی تیاری کررہے ہیں، اور دشمن کے لیے رات کو دن میں تبدیل کردیں گے۔
یہ بھی پڑھیں تل ابیب خالی کردیں، ایرانی پاسداران انقلاب کی اسرائیلی شہریوں کو وارننگ
ایرانی پاسداران انقلاب نے اسرائیل کے شہریوں کو وارننگ دی ہے کہ وہ تل ابیب خالی کردیں۔
