ننکانہ صاحب میں سکھ جوڑے کی شادی کا اندراج سکھ میرج ایکٹ کے تحت کردیا گیا۔
ننکانہ صاحب میں بلوندر سنگھ اور دل جیت کور سنگھ کی شادی انند کارج رجسٹرار میں باقاعدہ رجسٹرڈ ہوگئی۔
یہ بھی پڑھیں پنجاب میں غیر مسلم اقلیتوں کی شادی اور طلاق کی رجسٹریشن کیسے ہوتی ہے؟
محکمہ لوکل گورنمنٹ اینڈ کمیونٹی ڈیولپمنٹ نے باقاعدہ نوٹیفکیشن جاری کردیا۔
ضلع ننکانہ صاحب میں پہلی بار انند کارج رجسٹرار کی تقرری کی گئی ہے۔ پلوندر سنگھ اور دل جیت کور سنگھ کا اندراج ضلعی سطح پر پہلی رجسٹریشن ہے۔
سکھ میرج ایکٹ کے تحت نکاح رجسٹرڈ ہونے پر سکھ کمیونٹی میں خوشی کی لہر دوڑ گئی ہے۔ اور سرکاری سطح پر پہچان کو سراہا گیا ہے۔
سکھ میرج ایکٹ 2017 میں پاکستان میں نافذ کیا گیا تھا، اور اب اس ایکٹ کے تحت شادیوں کا باضابطہ اندراج ممکن ہوا ہے۔
سکھ برادری کا کہنا ہے کہ سکھ میرج ایکٹ سکھوں کی مذہبی شناخت اور رسم و رواج کا تحفظ ہے۔ سکھ برادری نے حکومتِ پاکستان کے اقدام کو خوش آئند قرار دیا ہے۔
یہ بھی پڑھیں لاہور ہائیکورٹ: شادی کیلئے لڑکے لڑکی کی عمر میں فرق کی شق کالعدم، قانون میں ترمیم کا حکم
سردار پلوندر سنگھ نے کہاکہ یہ قدم ہمارے حقوق کی تسلیم دہی کی جانب اہم پیش رفت ہے۔
