پنجاب کابینہ کا کاغذی فائلوں کو خیرباد کہنے کا فیصلہ

نگراں وزیراعلیٰ پنجاب محسن نقوی کی زیر صدارت صوبائی کابینہ کا 15 واں اجلاس ہوا جس میں پیپر لیس سسٹم کے نفاذ کی منطوری دے دی گئی ہے۔

پنجاب کابینہ نے ای گورننس کے لیے اہم اقدام کرتے ہوئے تمام محکموں میں فائل سسٹم ختم کرنے کا فیصلہ کیا گیا جس سے اربوں روپے کی بچت ہو گی۔

کابینہ اجلاس میں نگراں وزیراعلیٰ محسن نقوی کی جانب سے  اے سی آرز کو بھی ڈیجیٹل کرنے کی ہدایت دی گئی۔

گلگت  بلتستان اور کشمیر کے ذہین طلبہ کو لیپ ٹاپ دینے کا فیصلہ

کابینہ نے پنجاب حکومت کے پاس موجود لیپ ٹاپ ہونہار طلبا و طالبات کو دینے کی منظوری بھی دے دی گئی ہے۔

پنجاب کابینہ کی دریائے نیلم میں جیپ گرنے سے جاں بحق ہونے والے اچھرہ کے رہائشی نوجوانوں کے لواحقین کے لیے 15 لاکھ روپے فی کس مالی امداد کی منظوری دی گئی۔

کابینہ اجلاس میں پنجاب پولیس (منسٹریل پوسٹس) رولز 2017 میں ترمیم کی منظوری بھی دی گئی۔

 اجلاس میں محکمہ سپیشل ایجوکیشن اور این جی او”تارے زمیں پر“ ٹرسٹ کے مابین مفاہمت کی یادداشت پر دستخط کرنے کی مشروط منظوری دی گئی۔

اجلاس میں صوبائی کابینہ کے 11 ویں، 12ویں، 13 ویں اور 14 ویں اجلاس کے فیصلوں اور کابینہ اسٹینڈنگ کمیٹی برائے فنانس اینڈڈویلپمنٹ کے دوسرے اور تیسرے اجلاس کے فیصلوں کی بھی توثیق کی گئی ہے۔

صوبائی کابینہ کے اجلاس میں اسٹینڈنگ کمیٹی برائے قانونی امور و نجکاری کے پہلے اور دوسرے اجلاس کے فیصلوں جب کہ اسٹینڈنگ کمیٹی برائے امن و امان کے دوسرے، تیسرے اور چوتھے اجلاس کے فیصلوں کی توثیق بھی کر دی گئی۔

اجلاس میں صوبائی وزرا، مشیران، چیف سیکریٹری، انسپکٹر جنرل پولیس اور متعلقہ حکام کی جانب سے شرکت کی گئی۔