وزیراعلیٰ خیبرپختونخوا علی امین گنڈا پور نے صوبائی اسمبلی میں کٹ موشن پر ووٹنگ کا عمل روک دیا ہے۔
ان کا کہنا ہے کہ آج سے کٹ موشن پر ووٹنگ کا آغاز ہونا تھا، لیکن انہوں نے واضح ہدایت دی ہے کہ کوئی رکن ووٹنگ میں حصہ نہ لے۔
یہ بھی پڑھیں:عدلیہ آزاد ہوئی تو تمام کیسز ختم ہو جائیں گے، علی امین گنڈا پور
علی امین گنڈاپور کے بقول کٹ موشن پر ووٹنگ سے بجٹ کی منظوری کا عمل شروع ہو جاتا ہے، لیکن جب تک چیئرمین پی ٹی آئی عمران خان سے ملاقات نہیں کرائی جاتی، بجٹ کی منظوری نہیں دی جائے گی۔
وزیراعلیٰ نے دعویٰ کیا کہ اگر بجٹ منظور نہ ہوا تو وفاقی حکومت فنانشل ایمرجنسی لگا کر خیبرپختونخوا میں پی ٹی آئی کی حکومت کا خاتمہ کرنا چاہتی ہے۔
انہوں نے خبردار کیا کہ بطور وزیراعلیٰ وہ کسی بھی وقت صوبائی اسمبلی تحلیل کرنے کا اختیار رکھتے ہیں اور یہ اختیار استعمال بھی کیا جا سکتا ہے۔
