نیوزی لینڈ کے خلاف چوتھے ون ڈے میچ میں کامیابی حاصل کرنے کے بعد پاکستان نے آئی سی سی ون ڈے رینکنگ میں پہلی پوزیشن حاصل کرلی ہے۔
سنہ 2005 میں آئی سی سی رینکنگز کے باضابطہ آغاز کے بعد پاکستان نے پہلی مرتبہ ون ڈے رینکنگ میں پہلی پوزیشن حاصل کی ہے۔
پاکستان اور نیوزی لینڈ کے درمیان جاری پانچ میچز پر مشتمل ون ڈے سیریز کے آغاز سے قبل پاکستان رینکنگ میں پانچویں نمبر پر تھا۔
سیریز میں شاندار پرفارمنس دکھاتے ہوئے پاکستان نے نیوزی لینڈ کو پہلے چاروں میچز میں ہرا کر پہلی پوزیشن حاصل کر لی ہے۔
پاکستان فی الحال آسٹریلیا اور انڈیا کے خلاف ڈیسیمل پوائنٹس پر آگے ہے تاہم اگر پاکستان نیوزی لینڈ سے پانچواں میچ ہار جاتا ہے تو پہلی پوزیشن پر برقرار نہیں رہ پائے گئی۔
— Pakistan Cricket (@TheRealPCB) May 5, 2023
چوتھے ون ڈے میں فتح کے بعد پاکستان کے مجموعی ریٹنگ پوائنٹس 113.483 ہوگئے ہیں، آسٹریلیا کے ریٹنگ پوائنٹس 113.286 جبکہ انڈیا کے ریٹنگ پوائنٹس 112.638 ہیں۔
رینکنگ کے آغاز کے بعد سے پاکستان کی بہترین پوزیشن تیسری رہی ہے لیکن اب وہ تاریخ رقم کرتے ہوئے پہلی پوزیشن پر آگیا ہے۔
کپتان بابر اعظم جن کی قیادت میں قومی ٹیم نے یہ کارنامہ سر انجام دیا ہے وہ 9 سال پہلے آج ہی کے دن پاکستان کیمپ کے لیے سلیکٹ ہوئے تھے۔
Thank God i'm selected for pakistan camp. Pakistan conditional summer camp start from 8 may.
— Babar Azam (@babarazam258) May 5, 2014
پاکستانی ٹیم کی شاندار کامیابی پر خوشی کا اظہار کرتے ہوئے قومی ٹیم کے سابق کپتان شاہد آفریدی نے کہا ہے کہ ’عالمی نمبر 1 رینک اور 102 رنز سے جیت، واہ! ورلڈ کلاس ٹیم پر غلبہ حاصل کرنے پر شاباش لڑکوں‘
شاہد آفریدی نے قومی ٹیم کے کپتان بابر اعظم کو 5 ہزار رنز اور چوتھے میچ میں سنچری پر بھی مبارکباد دی۔
World no 1 rank and a win by 102 runs, just wow! Well done boys on dominating a world class team! @babarazam258 congrats on 5K runs and 100 today again, and Agha Salman, Usama Mir and M Wasim showing how its done. Boys the whole nation is super proud, you have increased our…
— Shahid Afridi (@SAfridiOfficial) May 5, 2023
دریں اثنا آئی سی سی نے بھی پاکستان کرکٹ ٹیم کو مبارکباد دی ہے۔
Congratulations, Pakistan 🎉
They go to the top of the @MRFWorldwide ICC Men's ODI Team Rankings 🙌 pic.twitter.com/GUq2CjOEoK
— ICC (@ICC) May 5, 2023
معروف اسپورٹس جرنلسٹ ڈاکٹر نعمان نیاز نے اپنے ٹوئٹ میں بابر اعظم کی تعریف کرتے اور ان کے نقادوں کو آئینہ دکھاتے ہوئے کہا کہ یہ وہ کپتان ہے جس کی سربراہی میں پاکستان نے آئی سی سی ون ڈے رینکنگ میں نمبر 1 پوزیشن حاصل کی۔
ان کا کہنا تھا کہ بابر اعظم تیز ترین 5 ہزار رنز مکمل کرنے والے کھلاڑی بن گئے، سنچری بھی کی اور اسی روز مین آف دی میچ کا ایوارڈ بھی لے اڑے۔
Some stats for @babarazam258 haters- he is Pakistan’s captain & Pakistan ascends to number 1 on the ICC ODI rankings
This day he became the fastest to reach 5000 runs in ODIs
Has a number 1 ranking in ODI’s ICC list of batsmen
Fastest to 18 ODI hundreds in 99 matches
And tonight…— Dr. Nauman Niaz (@DrNaumanNiaz) May 5, 2023
پاکستان کرکٹ ٹیم کے سابق کپتان راشد لطیف نے بھی نمبر ون پوزیشن حاصل کرنے پر قومی ٹیم کو مبارکباد دی۔ انہوں نے کہا کہ کپتان بابر اعظم، فخر زمان، امام الحق، شاہین آفریدی اور شاداب خان کی بہترین کارکردگی کے نتیجے میں نمبر ون پوزیشن حاصل کرنے کے لیے یہ بہترین وقت تھا۔ اب ایشین کرکٹ کونسل، انٹرنیشنل کرکٹ کونسل اور ان کی امداد کرنے والوں کو کوئی بھی فیصلہ کرنے سے پہلے کئی مرتبہ سوچنا پڑے گا۔ پاکستان اس کھیل میں ایک قوت ہے اور اس نے یہ بات ایک بار پھر ثابت کردی۔
Perfect timing to achieve No1. ODI rankings. This, supported by high rankings of Babar, Fakhar, Imam, Shaheen and Shadab, will make the ACC, ICC and their sponsors think hard before making any decisions. Pakistan is a force and they have demonstrated this again.
Well done lads.… pic.twitter.com/sgjSnkUT58— Rashid Latif | 🇵🇰 (@iRashidLatif68) May 5, 2023