کراچی کے علاقے منگھوپیر میں بارش کے دوران بجلی کے کرنٹ لگنے سے 2 گدھوں کی موت ہوگئی۔ واقعہ اس وقت پیش آیا جب بارش کے باعث سڑک پر جمع پانی میں ناقص بجلی کی کیبل سے کرنٹ پھیل گیا۔
یہ بھی پڑھیں:کرنٹ لگنے سے باپ کی موت پر بیٹی نے کے الیکٹرک کیخلاف ہر جانے کا دعویٰ کردیا
میڈیا رپورٹ کے مطابق ایک مزدور اپنے 2 گدھوں کے ساتھ سڑک سے گزر رہا تھا کہ پانی میں موجود کرنٹ لگنے سے دونوں جانور موقع پر ہی دم توڑ گئے۔
پولیس کے مطابق کے الیکٹرک کے عملے نے غیر معیاری طریقے سے زیر زمین کیبل بچھائی تھی، جس سے یہ حادثہ پیش آیا۔
علاقائی پولیس نے واقعے کی تصدیق کرتے ہوئے بتایا کہ کے الیکٹرک کے متعلقہ حکام کو مطلع کردیا گیا ہے اور معاملے میں قانونی کارروائی کی جائے گی۔
یہ سال کے ایسے موسم میں پیش آنے والا پہلا واقعہ نہیں ہے جب بارشوں کے دوران ناقص بجلی کے نظام کے باعث ایسے حادثات رونما ہوتے ہیں۔
یہ بھی پڑھیں:گدھے کی کھالیں چین اسمگلنگ کی کوشش ناکام بنا دی گئی
مقامی رہائشیوں کا کہنا ہے کہ علاقے میں بجلی کے نظام کی بحالی اور کیبلز کی معیاری تنصیب کی فوری ضرورت ہے تاکہ آئندہ ایسے واقعات سے بچا جاسکے۔
