امپورٹ ڈیوٹی میں تخفیف کے بعد پاکستان میں لگژری گاڑیوں کی قیمت میں بڑی کمی

عالمی سطح پر لگژری گاڑیوں کی قیمتوں میں اضافے کے باوجود پاکستان میں لگژری ایس یو وی ماڈلز لیکسسایل ایکس 570 اور ایل ایکس 600 کی قیمتوں میں غیر معمولی کمی دیکھنے کو ملی ہے۔

یہ بھی پڑھیں: نئی انرجی وہیکل پالیسی پاکستان کا سرسبز مستقبل، 30 فیصد گاڑیاں الیکٹرک بنانے کا ہدف

حکومت کی جانب سے درآمدی ڈیوٹی (RD) میں 40 فیصد اور اضافی کسٹمز ڈیوٹی (ACD) میں ایک فیصد کمی کے بعد ان ماڈلز کی قیمتوں میں نمایاں کمی آئی ہے۔

کمی کی وجوہات

حکومت کی جانب سے درآمدی ڈیوٹی میں یہ کمی ایک اہم قدم ہے جو نہ صرف مقامی خریداروں کے لیے فائدہ مند ثابت ہوگی بلکہ اس سے لگژری گاڑیوں کے صارفین کی تعداد میں بھی اضافے کی امید کی جا رہی ہے۔ اگرچہ اضافی کسٹمز ڈیوٹی میں کمی کا اثر کم نظر آ رہا ہے لیکن مجموعی طور پر قیمتوں میں کمی ایک خوش آئند تبدیلی ہے۔

یہ کمی خاص طور پر ایسے صارفین کے لیے فائدہ مند ہوگی جو لکسیس ایل ایکس600 اور ایل ایکس 570 جیسے لگژری ماڈلز خریدنے کا ارادہ رکھتے ہیں۔ ان ماڈلز کی جدید خصوصیات، شاندار ڈیزائن اور بہترین آف روڈ صلاحیتیں صارفین کو مزید راغب کر سکتی ہیں۔ ماہرین کا کہنا ہے کہ یہ کمی لیکسس کے شوقین افراد کے لیے ایک سنہری موقع ثابت ہو سکتی ہے۔

وہ کہتے ہیں کہ قیمتوں میں کمی ملک میں لگژری گاڑیوں کی مارکیٹ کے لیے ایک اہم سنگ میل ثابت ہو گی۔ اس سے نہ صرف مقامی مارکیٹ میں مقابلہ بڑھے گا بلکہ صارفین کے لیے زیادہ انتخاب بھی ممکن ہو گا۔

مزید پڑھیے: 2024: وہ مشہور گاڑیاں جن کی جگہ الیکٹرک کاریں لیں گی؟

دوسری جانب عالمی سطح پر لگژری گاڑیوں کی قیمتوں میں اضافہ ہو رہا ہے تاہم پاکستان میں اس کمی کے باعث صارفین کے لیے بہترین وقت ہے۔