انسپکٹر جنرل فرنٹیئر کور خیبرپختونخوا (ساؤتھ) میجر جنرل مہر عمر خان نے کیڈٹ کالج وانا کا دورہ کیا اور طلبا کے ساتھ ایک خصوصی نشست میں شرکت کی۔
اس موقع پر کیڈٹس نے آئی جی ایف سی ساؤتھ سے سیکیورٹی، ترقیاتی منصوبوں اور تعلیم و صحت کے شعبوں میں جاری سرگرمیوں سے متعلق سوالات کیے، جن کا انہوں نے تفصیل سے جواب دیا۔
میجر جنرل مہر عمر خان نے طلبا پر زور دیا کہ وہ بہتر تعلیم حاصل کر کے ملکی ترقی میں مثبت کردار ادا کریں اور منفی پروپیگنڈے سے خود کو دور رکھیں۔
کیڈٹس نے پاک فوج اور فرنٹیئر کور خیبرپختونخوا (ساؤتھ) کی امن و استحکام کے لیے کوششوں اور قربانیوں کو سراہتے ہوئے انہیں خراجِ عقیدت پیش کیا۔
دورے کے دوران آئی جی ایف سی ساؤتھ نے کیڈٹ کالج میں جاری تعلیمی و تربیتی سرگرمیوں کا بھی جائزہ لیا اور ادارے کی کارکردگی پر اطمینان کا اظہار کیا
