پنجاب کے ضلع جالندھر میں طویل العمر میراتھن رنر سردار فوجا سنگھ 114 برس کی عمر میں ایک سڑک حادثے میں جان کی بازی ہار گئے۔ وہ بیاس گاؤں میں سیر کے لیے نکلے تھے کہ ایک نامعلوم گاڑی نے انھیں ٹکر مار دی۔ شدید چوٹوں کے باعث انہیں اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گئے۔ پولیس نے نامعلوم ڈرائیور کے خلاف مقدمہ درج کر لیا ہے۔
وزیراعظم نریندر مودی نے ان کے انتقال پر افسوس کا اظہار کرتے ہوئے کہا کہ فوجا سنگھ جی غیر معمولی شخصیت اور عزم کے پیکر تھے جنہوں نے فٹنس کے میدان میں نوجوانوں کو متاثر کیا، ان کا جانا ایک ناقابل تلافی نقصان ہے۔
Fauja Singh Ji was extraordinary because of his unique persona and the manner in which he inspired the youth of India on a very important topic of fitness. He was an exceptional athlete with incredible determination. Pained by his passing away. My thoughts are with his family and…
— Narendra Modi (@narendramodi) July 15, 2025
مزید پڑھیں: لندن میراتھن میں 40 پاکستانیوں کی شرکت، کینیا کے سیباسشین ساوے فاتح قرار پائے
پنجاب کے گورنر گلاب چند کٹاریہ، وزیراعلیٰ بھگونت مان اور سوانح نگار خوشونت سنگھ نے بھی گہرے دکھ کا اظہار کیا۔ خوشونت سنگھ نے لکھا کہ میری پگڑی والا طوفان اب نہیں رہا۔
ਉੱਘੇ ਪੰਜਾਬੀ ਸਿੱਖ ਦੌੜਾਕ ਫੌਜਾ ਸਿੰਘ ਜੀ ਦੇ ਅਕਾਲ ਚਲਾਣੇ ਦੀ ਖ਼ਬਰ ਸੁਣ ਕੇ ਬੇਹੱਦ ਦੁੱਖ ਹੋਇਆ।
ਆਪਣੀਆਂ ਲੰਬੀਆਂ ਦੌੜਾਂ ਦੀ ਬਦੌਲਤ ਪੂਰੀ ਦੁਨੀਆ ਵਿੱਚ ਸਿੱਖ ਕੌਮ ਦਾ ਨਾਮ ਰੌਸ਼ਨ ਕਰਨ ਵਾਲੇ ਵਿਸ਼ਵ ਦੇ ਸਭ ਤੋਂ ਵੱਡੀ ਉਮਰ ਦੇ ਦੌੜਾਕ ਫੌਜਾ ਸਿੰਘ ਜੀ ਹਮੇਸ਼ਾ ਸਾਡੇ ਦਿਲਾਂ ਅਤੇ ਚੇਤਿਆਂ ‘ਚ ਜਿਉਂਦੇ ਰਹਿਣਗੇ। ਪਰਿਵਾਰ ਤੇ ਚਾਹੁੰਣ ਵਾਲਿਆਂ… pic.twitter.com/deg3GKxoc8
— Bhagwant Mann (@BhagwantMann) July 15, 2025
1911 میں پیدا ہونے والے فوجا سنگھ دنیا کے وہ پہلے ایتھلیٹ تھے جنہوں نے 100 سال کی عمر میں میراتھن مکمل کی۔ انہیں ’ٹربنڈ ٹورنیڈو‘ کے لقب سے یاد کیا جاتا ہے۔ انہوں نے 2012 کے لندن اولمپکس میں مشعل بردار کا اعزاز بھی حاصل کیا تھا اور متعدد بین الاقوامی ایونٹس میں شرکت کی۔
فوجا سنگھ کی زندگی خدمت، عزم اور سادگی کی زندہ مثال تھی، ان کی پگڑی اور ان کی دوڑ ہمیشہ یاد رکھی جائے گی۔
