وفاقی وزیر پیٹرولیم علی پرویز ملک نے پیٹرولیم مصنوعات کی قیمتوں میں اضافے کی وجہ ڈالر کو قرار دے دیا۔
ایک انٹرویو میں وفاقی وزیر پیٹرولیم کا کہنا تھا کہ چونکہ روپے کے مقابلے ڈالر کی قیمت بھی 2 روپے بڑھی ہے اس کا نتیجہ یہ نکلا کہ پیٹرول کی قیمت میں تھوڑا سا اضافہ کرنا پڑا۔
علی پروز ملک نے مزید کہا کہ ہمیں لوگوں کی تکلیف کا پوری طرح احساس ہے لیکن اگر پیٹرولیم مصنوعات کی قیمتیں نہ بڑھاتے تو آئی ایم ایف کے ساتھ مسئلہ بن جاتا۔ بیمار معیشت کا علاج ڈسپرین سے نہیں سرجری سے ہو گا۔
حکومت کہتی ہے کہ یہ درست ہے عالمی منڈی میں پٹرول مہنگا نہیں ہوا لیکن پاکستان میں ڈالر دو روپے مہنگا ہونے کی وجہ سے پٹرول کی قیمت کو تھوڑا سا بڑھانا پڑا لیکن اعدادوشمار بتاتے ہیں کہ حکومت نے صرف پچھلے دو ماہ میں پٹرول کو 20 روپے فی لیٹر مہنگا کیا یہ تھوڑا سا اضافہ تو نہیں ہے ! 🤔 pic.twitter.com/lkiaaoypcD
— Hamid Mir حامد میر (@HamidMirPAK) July 17, 2025
سوشل میڈیا صارفین پیٹرولیم مصنوعات کی قیمتیوں میں اضافے کے بعد حکومت پر تنقید کرتے نظر آتے ہیں۔ ایک صارف نے کہا کہ ڈالر کیوں بڑھا اور پچھلے مہینے پیٹرول کی قیمت میں اضافہ کیوں کیا تھا اس بات کا جواب دیں۔
ڈالر کیوں بڑھا اور پچھلے مہینے کس خوشی میں اضافہ کیا تھا اس بات کا جواب دو،🤔 https://t.co/gvNDAqlhMk
— Syید Feروز (@syedfiroze8) July 17, 2025
محمد عمران نامی صارف نے کہا کہ ان کے لیے تو یہ تھوڑا سا اضافہ ہوا ہے۔
انکے لئے تو یہ اضافی بلکل تھوڑا سا ہی تو ہے
— MUHAMMAD IMRAN (@imranbhatti476) July 17, 2025
اسریٰ لکھتی ہیں کہ اگر یہ تھوڑا سا اضافہ ہے تو پھر حکومت کا ’زیادہ‘ کتنا ہوتا ہوگا؟
اگر یہ تھوڑا سا اضافہ ہے تو پھر حکومت کا "زیادہ" کتنا ہوتا ہوگا؟
— Isra (@Isra3234) July 17, 2025
وفاقی حکومت نے آئندہ 15 روز کے لیے ملک بھر میں پیٹرولیم مصنوعات کی قیمتوں میں اضافہ کر دیاہے۔ وفاقی وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 5.36 روپے فی لیٹر اضافہ کیا گیا، جبکہ ڈیزل کے ایک لیٹر کی قیمت 11 روپے 37 پیسے بڑھا دی گئی ہے۔
یاد رہے کہ اس سے قبل یکم جولائی کو حکومت نے ڈیزل کی قیمت میں 10 روپے 39 پیسے فی لیٹر اور پیٹرول کی قیمت میں 8 روپے 36 پیسے فی لیٹر اضافہ کیا تھا۔ 15 جون کو 15 روز کے لیے پیٹرول کی قیمت میں 4 روپے 80 پیسے اور ڈیزل کی قیمت میں 7 روپے 95 پیسے فی لیٹر اضافہ کیا گیا تھا۔
