بھارت کی ریاست راجستھان میں بھارتی فضائیہ کا مگ 21 لڑاکا طیارہ حادثے کا شکار ہو گیا ہے جس میں 3 افراد ہلاک ہو گئے ہیں۔
میڈیا رپورٹس کے مطابق بھارتی فضائیہ کا لڑاکا طیارہ مگ 21 معمول کی تربیتی پرواز کے دوران ایک رہائشی علاقے میں حادثے کا شکار ہوا ہے۔
بھارتی لڑاکا طیارے کے حادثے میں 2 افراد زخمی بھی ہوئے ہیں جنہیں اسپتال منتقل کر دیا گیا ہے جبکہ پائلٹ کو بحفاظت محفوظ مقام پر پہنچا دیا گیا ہے۔
بھارتی فضائیہ نے بھی مگ 21 طیارے کو پیش آنے والے حادثے کی تصدیق کی ہے اور بتایا ہے کہ طیارے کو صورت گڑھ کے قریب معمول کی تربیتی پرواز کے دوران حادثہ پیش آیا ہے مگر پائلٹ ایجکٹ کرنے میں کامیاب رہا۔
A MiG-21 aircraft of the IAF crashed near Suratgarh during a routine training sortie today morning. The pilot ejected safely, sustaining minor injuries.
An inquiry has been constituted to ascertain the cause of the accident.— Indian Air Force (@IAF_MCC) May 8, 2023
بھارتی فضائیہ نے مزید بتایا کہ حادثے کی تحقیقات کا عمل شروع کر دیا گیا ہے۔
واضح رہے کہ بھارتی فضائیہ کے مگ 21 طیاروں کو آئے روز حادثات پیش آتے رہتے ہیں۔
2021 میں بھارتی فضائیہ کے 5 مگ 21 طیارے حادثے کا شکار ہوئے۔ اس کے علاوہ 2022 میں بھی ایک مگ 21 کو حادثہ پیش آیا تھا جس کے نتیجے میں 2 افراد ہلاک ہو گئے تھے۔
بھارتی فضائیہ میں شامل 873 مگ 21 طیاروں میں سے 483 اب تک حادثات کا شکار ہو چکے ہیں۔
