صوبہ پنجاب کے شہر پاکتپن شریف میں پولیس نے گزشتہ ہفتے خاور مانیکا کے بیٹے موسیٰ مانیکا کو اپنے ملازم پر گولی چلانے کے الزام میں گرفتار کیا گیا تھا جسے 14 روزہ جوڈیشل ریمانڈ پر جیل بھیجنے کا حکم دیا گیا۔
موسیٰ مانیکا کے والد خاور مانیکا نے اس حوالے سے ردعمل دیتے ہوئے کہا ہے کہ یہ عدالتی معاملہ ہے اور عدالت کا جو بھی فیصلہ ہو گا ہم اسے تسلیم کریں گے۔
”میں نے ایسا کوئی بیان نہیں دیا“۔ خاور منیکا نے جھوٹ پھیلانے پر پی ٹی آئی والوں پر قہر نازل ہونے کی دعا کر دی 🤲🏼 pic.twitter.com/8VoObQRjhr
— Saad Kaiser 🇵🇰 (@TheSaadKaiser) July 20, 2025
واضح رہے کہ موسیٰ مانیکا نے پاکپتن کے نواحی گاؤں پیر غنی کوٹھی میں اپنے ملازم علی بہادر کو کام میں تاخیر پر فائرنگ کرکے زخمی کر دیا تھا۔ فائرنگ کے بعد موسیٰ مانیکا نے ہوائی فائرنگ بھی کی اور زخمی کو اٹھانے سے انکار کر دیا۔
پولیس نے واقعے کے فوراً بعد ڈی پی او پاکپتن جاوید اقبال چدھڑ نے نوٹس لیتے ہوئے ملزم کو گرفتار کر لیا تھا۔ ڈی پی او جاوید چدھڑ کے مطابق ملزم موسیٰ مانیکا سے آلہ جرم (اسلحہ) بھی برآمد کر لیا گیا ہے۔ مجرم کتنا ہی بااثر کیوں نہ ہو، قانون سب کے لیے برابر ہے۔ ملزمان سے آہنی ہاتھوں سے نمٹا جائے گا، اور کوئی بھی شخص قانون سے بالاتر نہیں۔
یہ بھی پڑھیں: بشریٰ بی بی اور خاور مانیکا کے بیٹے نے جلد کام نہ کرنے کے’جرم‘ میں ملازم کو گولی مار دی
خاور مانیکا نے اپنی سابقہ اہلیہ کے حوالے سے بھی بات کی اور کہا کہ یہ خبریں دی جا رہی ہیں کہ میری سابقہ اہلیہ بشریٰ بی بی کے بارے میں میرا جو پہلا موقف تھا اس سے ہٹ کر میں نے کوئی نیا موقف دیا ہے تو یہ سراسر غلط ہے اور یہ خبر فیک ہے۔ میرا جو پہلے موقف تھا آج بھی وہی ہے اور وہ بہت مضبوط ہے۔
انہوں نے کہا کہ جس نے بھی یہ خبر لگائی ہے اس کا مقصد عوام تک سچ پہنچانا نہیں بلکہ سنسنی پھیلنا تھا یہ کام صرف اپنی مقبولیت کے لیے ہو رہا ہے۔ اور عوام یہی سمجھتے ہیں کہ جو خبر وہ پڑھ رہے ہیں وہ سچ ہے۔ خاور مانیکا نے کہا کہ جھوٹ بول کر گمراہ کرنے کی پریکٹس سے باز آ جائیں۔ اب بس کر دیں بہت ہو گیا۔
