سری لنکا اور نیوزی لینڈ کے خلاف بہترین کارکردگی پر فخر زمان نے آئی سی سی کے اپریل کے پلیئر آف دی منتھ کا ایوارڈ جیت لیا۔ قومی کرکٹ کے جارحانہ بیٹر فخر زمان کو آئی سی سی کی جانب سے گزشتہ مہینے پلیئر آف دی منتھ ایوارڈ کے لیے نامزد کیا گیا تھا۔
انٹرنیشنل کرکٹ کونسل کی جانب سے پچھلے مہینے میں نامزد کردہ کھلاڑیوں میں فخر زمان سمیت سری لنکا کے پرابتھ جے سوریا اور نیوزی لینڈ کے مارک چیپمین شامل تھے۔ جس پر ووٹنگ ہوئی اور شاندار کاردگی پر فخر زمان کو باقاعدہ آئی سی سی کے پلیئر آف منتھ کا ایوارڈ دیا گیا۔
پاکستان کرکٹ بورڈ کی جانب سے سماجی رابطہ ویب سائٹ ٹویٹر پر فخر زمان کو پلیئر آف دی منتھ ایوارڈ ملنے پر مبارکباد دی گئی اور نیوزی لینڈ کے خلاف دوسرے میچ میں فخر زمان کے شاندار 180 رنز کی ویڈیو بھی شیئر کی گئی۔
Congratulations @FakharZamanLive on being named the ICC Men's Player of the Month for April 2023! 🏆
The opener smashed two consecutive 💯s in the #PAKvNZ ODI series including an unbeaten 1️⃣8️⃣0️⃣ to ace Pakistan's chase of 337 in Rawalpindi 👏 pic.twitter.com/RGqO8fTGAx
— Pakistan Cricket (@TheRealPCB) May 9, 2023
فخر زمان نے اپنے ٹویٹر پر تاثرات کا اظہار کرتے ہوئے کہا کہ جس طرح مارک چیپمین نے ٹی ٹوئنٹی میں کارکردگی دکھائی ہے مجھے لگا تھا کہ پلیئر آف دی منتھ کا ایوارڈ اسی کو ملے گا۔ لیکن اپنے تمام مداحوں اور ووٹرز کا شکر گزار ہوں انہوں نے مجھے چنا ہے۔
Jis tareeqay se Chapman bhai ne hame T20I me koota tha, mujhe to laga usko hi mile ga. But grateful to all the voters and fans for rooting out for me. 🙌 #Honoured pic.twitter.com/CdZNg9tqnG
— Fakhar Zaman (@FakharZamanLive) May 9, 2023
فخر زمان نے نیوزی لینڈ کے خلاف اپنی سرزمین پر پانچ ایک روزہ میچوں کی سیریز میں دو سنچریوں سمیت 363 رنز بنائے اور سیریز کے بہترین کھلاڑی قرار پائے۔
An ace opening batter has been voted April 2023's ICC Men's Player of the Month 🏅
Details 👇
— ICC (@ICC) May 9, 2023
راولپنڈی کرکٹ اسٹیڈیم میں فخر زمان نے نیوزی لینڈ کے خلاف دوسرے میچ میں 337 رنز کے بڑے تعاقب میں شاندار سنچری بنائی، فخر زمان 144 گیندوں پر 180 رنز بنا کر ناقابل شکست رہے۔
’فخر نے 17 چوکوں اور 6 چھکوں کی مدد سے 180 رنز بنائے۔‘
سیریز کے پہلے میچ میں بھی فخر زمان نے 114 بالوں پر 117 رنز بنائے، جس کی بدولت قومی ٹیم نے نیوزی لینڈ کی جانب سے دیئے گئے 289 کے ہدف کو با آسانی عبور کیا گیا۔
اس سے قبل اپریل میں ہی نیوزی لیںڈ کے خلاف لاہور قذافی اسٹیڈیم میں ٹی ٹوئنٹی سیریز کے پہلے میچ میں فخر زمان نے تیز ترین بیٹنگ کرتے ہوئے 47 رنز بنائے۔
واضح رہے فخر زمان نے اپنے ایک روزہ 67 اننگز میں کپتان بابر اعظم کو پیچھے چھوڑتے ہوئے 49 اعشاریہ 71 کی اوسط اور 95 کے اسٹرائیک ریٹ کے ساتھ تیز ترین 3 ہزار 148 رنز مکمل کئے ہیں۔ بابر اعظم نے اپنے کیریئر کے ایک روزہ میچز میں 3 ہزار رنز 68 اننگز میں مکمل کیے تھے۔
