سابق وزیراعظم عمران خان کو منگل کی سہ ہہر اسلام آباد ہائی کورٹ سے گرفتار کیے جانے کے فورا بعد پی ٹی آئی کی قیادت نے ملک بھر میں احتجاج کی کال دے۔
یہ اعلان سامنے آنے کے بعد ملک کے مختلف شہروں میں شروع ہونے والے احتجاج نے راستوں کو متاثر کیا۔
وفاقی دارالحکومت اسلام آباد میں سری نگر ہائی وے، مارگلہ ہائی وے اور اسلام آباد ایکسپریس وے بند ہونے کی اطلاعات آئیں۔
راستوں کے متاثر ہونے اور بندش کی تصدیق کرتے ہوئے اسلام آباد پولیس نے متاثرہ مقامات کی نشاندہی بھی کی۔
Islamabad Police Traffic Alert !
Due to protest, diversions placed for traffic between Koral and Khanna Stops of Islamabad Expressway.
Alternatively, Lehtrar Road and Peshawar Road can be used.
……………Faizabad all sides closed for traffic going towards Murree Road…
— Islamabad Police (@ICT_Police) May 9, 2023
جڑواں شہر راولپنڈی میں مری روڈ اور صدر سمیت جی ٹی روڈ متاثر ہوئے تو ٹریفک معطل ہو گئی۔
خیبرپختونخوا کے دارالحکومت پشاور میں ریڈیو پاکستان اور صوبائی اسمبلی کی عمارت کے قریب احتجاج اور توڑپھوڑ کا سلسلہ شروع ہوا تو ہشتنگری، اسمبلی چوک کے علاقے بند ہو گئے۔
مردان، دیر اور صوابی میں پی ٹی آئی کے احتجاج کی رپورٹس سامنے آئیں تو متاثرہ مقامات کی بندش کی اطلاعات بھی ان کا حصہ تھیں۔
کراچی میں احتجاج کا ابتدائی مقام بننے والے شارع فیصل پر تحریک انصاف کے کارکن اور پولیس آمنے سامنے آئے تو شہر کی اہم سڑک پر ٹریفک معطل ہو گئی۔
لاہور میں کینال روڈ متاثر ہوا تو زمان پارک اور لبرٹی چوک کے اطراف بھی راستے بند ہونے کی اطلاعات موصول ہوئیں۔
کوئٹہ میں احتجاج کی وجہ سے متعدد مقامات پر ٹریفک معطل رہی۔
