انگلینڈ بھارت ٹیسٹ سیریز میں ٹوٹے اور بنے نئے ریکارڈز

بھارت اور انگلینڈ کے درمیان کھیلی گئی 5 میچوں کی ٹیسٹ سیریز نے کرکٹ کی تاریخ رقم کر دی۔ 2-2 سے ختم ہونے والی اس سنسنی خیز سیریز میں دونوں ٹیموں کے بلے بازوں نے شاندار کارکردگی کا مظاہرہ کیا، جس کے نتیجے میں 5 میچوں میں 7 ہزار سے زائد رنز اور 19 سینچریاں بنیں۔ شبھمن گل کی قیادت میں ٹیم انڈیا نے اوول میں فیصلہ کن جیت حاصل کی اور سیریز کو ڈرا پر ختم کیا۔

بھارت کی سب سے کم مارجن سے جیت:

اوول میں بھارت کی فتح 7 رنز سے آئی جو بھارت کی تاریخ کی سب سے کم مارجن والی جیت ہے، یہ ریکارڈ 2004 میں آسٹریلیا کے خلاف 13 رنز کی جیت کو پیچھے چھوڑ گیا۔

جو روٹ کا کمال:

انگلینڈ کے جو روٹ نے بھارت کے خلاف 3 بار 500 سے زائد رنز بنانے والے پہلے کھلاڑی بننے کا اعزاز حاصل کیا۔ انہوں نے عالمی ٹیسٹ چیمپیئن شپ (WTC) میں 6 ہزار رنز بنانے والے پہلے کھلاڑی بھی بنے۔

شبھمن گل کا ریکارڈ:

شبھمن گل نے سنیل گواسکر کا 732 رنز کا ریکارڈ توڑ کر ایک ٹیسٹ سیریز میں سب سے زیادہ رنز بنانے کا اعزاز حاصل کیا۔

مزید پڑھیں: کرکٹ کے یادگار ڈرامائی لمحات، بھارت نے انگلینڈ کو صرف 6 رنز سے ہرا کر ٹیسٹ سیریز برابر کر دی

رویندرا جڈیجہ کی ففٹیوں کی تعداد:

رویندرا جڈیجہ نے بھارت اور انگلینڈ کے درمیان ٹیسٹ سیریز میں 6 نصف سینچریاں بنا کر یہ منفرد کارنامہ انجام دیا۔

سب سے زیادہ رنز بنانے والی ٹیم:

بھارت نے 5 میچوں کی سیریز میں کل 3 ہزار 809 رنز بنا کر ایک نیا ریکارڈ قائم کیا، جو کسی بھی ٹیم کی سب سے زیادہ رنز کی اوسط ہے۔

نائٹ واچ مین کی ففٹی:

آکاش دیپ تیسرے بھارتی نائٹ واچ مین بنے جنہوں نے ٹیسٹ میں نصف سینچری مکمل کی۔

جو روٹ کی سینچریاں:

جو روٹ نے بھارت کے خلاف اپنی 12ویں سینچری بنا کر عالمی ریکارڈ قائم کیا۔

جسپرت بمرا کا ریکارڈ:

بمرا نے انگلینڈ میں 51 وکٹیں لے کر ایشان شرما کے ریکارڈ کے برابر پہنچ گئے۔