گورنر ہاؤس کراچی میں یومِ آزادی اور معرکۂ حق کے حوالے سے منعقدہ تقریب میں معروف گلوکار عاطف اسلم نے اپنی پرفارمنس سے شرکاء کو محظوظ کیا، تاہم کنسرٹ کے دوران ایک ناخوشگوار واقعہ پیش آیا جس کے باعث انہیں اپنی پرفارمنس روکنا پڑی۔
کانسرٹ کے دوران بھگدڑ مچنے پر گورنر سندھ کامران ٹیسوری خود منظر عام پر آئے اور صورتحال پر ردعمل دیتے ہوئے کہا کہ کیا میری بہنوں کی حفاظت کے لیے بھائی کم ہو گئے ہیں؟ کیا میرے بھائی اپنی بہنوں کی حفاظت نہیں کر سکتے؟
انہوں نے خبردار کیا کہ اگر کسی سیکیورٹی اہلکار نے میرے بھائیوں کو ہاتھ بھی لگایا تو میں اُسے نہیں چھوڑوں گا۔ یہ سب میرے بھائی اور میری فیملی ہیں۔ سیکیورٹی والے احتیاط سے کام لیں، بات پیار اور محبت سے ہوگی، کراچی والے کسی سازش کا شکار نہیں بنیں گے۔
دوسری جانب صحافیوں نے تقریب کے انتظامات پر ناراضی کا اظہار کیا۔ ان کا کہنا تھا کہ گورنر ہاؤس کے اس بڑے پروگرام میں صحافیوں کے لیے صرف 10 کرسیاں بھی دستیاب نہیں تھیں۔ صحافیوں نے طنزیہ انداز میں کہا کہ اگر گورنر ہاؤس کے پاس کرسیوں کے پیسے نہیں ہیں تو ہم سے لے لیں، لیکن آئندہ تقریب میں صحافیوں کو مناسب بیٹھنے کی سہولت ضرور دیجیے گا۔
گورنر ہاؤس میں پروگرام میں صحافیوں کے لئے 10 کرسیاں بھی نہیں.
گورنر صاحب اگر کرسیوں کے پیسے نہیں ہیں تو ہم صحافیوں سے لے لیں صحافی کا جواب
یہ پروگرام تھا 😋 pic.twitter.com/OFTnzpTts4— Mohammad Omer (@PPPUmer) August 11, 2025
