برطانیہ کے بادشاہ چارلس سوئم ایک بار پھر اپنی بگڑتی ہوئی صحت کے باعث خبروں کی زینت بن گئے ہیں۔
یہ بھی پڑھیں: اپنی شادی پر بادشاہ چارلس اور لیڈی ڈیانا کے چپکے چپکے آنسو بہانے کا عقدہ کھل گیا
سنہ 2024 سے کینسر کے علاج سے گزرنے والے بادشاہ کو حال ہی میں سینڈرنگھم میں چہل قدمی کے دوران چھڑی کا سہارا لیتے دیکھا گیا، جس نے ان کی صحت کے حوالے سے نئی تشویش پیدا کر دی ہے۔
معروف ویب سائٹ ریڈار آن لائن ڈاٹ کام نے دعویٰ کیا ہے کہ بادشاہ کی چھڑی اب محض شاہی روایت کا حصہ نہیں بلکہ ایک حقیقی ضرورت بن چکی ہے۔
ویب سائٹ کی رپورٹ کے مطابق گزشتہ مہینوں میں ان کی صحت میں نمایاں طور پر خرابی آئی ہے۔ چھڑی اب صرف ایک شاہی علامت نہیں رہی بلکہ ان کے لیے ضروری ہو چکی ہے۔
رپورٹ میں مزید بتایا گیا کہ ولی عہد شہزادہ ولیم اور شہزادہ ہیری کے والد اب بہت کمزور ہو چکے ہیں۔
مزید پڑھیے: کینسر میں مبتلا برطانوی بادشاہ چارلس نے ایک بار پھر ذمہ داریاں سنبھال لیں
ایک اندرونی ذرائع نے افسوسناک انکشاف کیا کہ چارلس اب 76 برس کے ہو چکے ہیں اور ان کی جسمانی حالت نازک ہے اور انہیں احساس ہے کہ (شاید) ان کے پاس وقت کم رہ گیا ہو۔
بادشاہ اب چھڑی کے سہارے آہستہ آہستہ چلتے ہیں اور اپنی تکلیف اور ذہنی دباؤ کو کم کرنے کے لیے مختلف طریقے اپناتے ہیں۔ بادشاہ چارلس لوگوں کو یہ یقین دلاتے ہیں کہ وہ اپنی بھرپور کوشش کر رہے ہیں تاکہ کینسر سے اپنی جنگ سے متعلق افواہوں اور سازشی نظریات سے بچا جا سکے۔
حالیہ تصاویر میں بھی بادشاہ کو درد کے باوجود پرعزم چہرے کے ساتھ دیکھا گیا ہے۔
مزید پڑھیں: حقیقی زندگی میں طلسماتی کہانی جیسا سماں باندھتی مشہور شاہی شادیاں
یاد رہے کہ کچھ عرصہ قبل دی ایگزامینر نے انکشاف کیا تھا کہ بادشاہ چارلس نے اپنی طبیعت کی خرابی کے باعث شہزادہ ولیم اور شہزادی کیٹ پر انحصار بڑھا دیا ہے تاکہ وہ خود اپنی طبی دیکھ بھال پر مکمل توجہ دے سکیں۔
