ملک بھر میں مون سون کی بارشوں کے باعث ریلوے آپریشن متاثر ہوا ہے اور کراچی سے آنے اور جانے والی متعدد گاڑیاں تاخیر کا شکار ہیں۔
ریلوے حکام کے مطابق رحمان بابا ایکسپریس اپنی مقررہ روانگی 12:00 بجے کے بجائے 2 گھنٹے کی تاخیر سے دوپہر 02:00 بجے روانہ ہوئی۔
یہ بھی پڑھیں: سندھ میں شدید بارشوں کا الرٹ: کراچی، حیدرآباد، سکھر اور ملحقہ علاقوں میں سیلاب کا خطرہ
اسی طرح پاکستان ایکسپریس 02:00 بجے کے بجائے 02 گھنٹے 30 منٹ کی تاخیر کے بعد شام 04:30 بجے روانہ ہوگی۔
ریلوے حکام نے بتایا کہ قراقرم ایکسپریس 03:00 بجے کے بجائے ایک گھنٹے کی تاخیر کے بعد شام 04:00 بجے روانہ ہوئی، جبکہ علامہ اقبال ایکسپریس 03:30 کے بجائے 02 گھنٹے 15 منٹ کی تاخیر کے بعد شام 05:45 پر روانہ ہوگی۔
کراچی سے لالہ موسیٰ براستہ فیصل آباد جانے والی ملت ایکسپریس بھی اپنی مقررہ روانگی 05:00 بجے کے بجائے 2 گھنٹے کی تاخیر کے بعد 07:00 بجے روانہ ہوگی۔
علاوہ ازیں سکھر ایکسپریس 11:00 بجے کے بجائے ایک گھنٹے کی تاخیر کے بعد رات 12:00 بجے روانہ ہوگی۔
یہ بھی پڑھیں: این ڈی ایم اے نے سیلاب سے تباہ کاریوں اور اموات کے اعدادوشمار جاری کردیے
ریلوے حکام کا کہنا ہے کہ بقایا تمام ریل گاڑیاں اپنے مقررہ وقت پر روانہ ہوگئی ہیں۔ پاکستان ریلوے نے مسافروں سے تکلیف کے لیے معذرت کی ہے۔
