حال ہی میں کی گئی ایک تحقیق میں انکشاف ہوا ہے کہ حساس طبیعت رکھنے والے افراد میں ‘موڈ ڈس آرڈر’ میں مبتلا ہونے کا خطرہ زیادہ ہوتا ہے۔
جریدہ کلینیکل سائیکولوجیکل سائنس میں شائع ہونے والی رپورٹ کے مطابق خاص طور پر نہایت حساس لوگ مختلف ذہنی بیماریوں جیسے ڈپریشن اور اینگزائٹی کا زیادہ شکار ہو سکتے ہیں۔
اس جائزے کے لیے محققین نے 33 سابقہ تحقیقات سے 12 ہزار 700 افراد کے ذہنی صحت سے متعلق ڈیٹا جمع کیا۔
یہ بھی پڑھیے: ہراسانی اور جسمانی تشدد سے صحافیوں کی ذہنی صحت کس طرح متاثر ہوتی ہے؟
تحقیق کا مرکزی نکتہ حساسیت تھی جو ایسی صفت ہے جس میں انسان معمولی تبدیلیوں، تیز روشنی، ماحول میں معمولی فرق اور دوسروں کے جذبات پر زیادہ ردعمل دیتا ہے۔
محققین نے دریافت کیا کہ پوری آبادی میں سے تقریباً 31 فیصد افراد کو انتہائی حساس سمجھا جاتا ہے۔
تحقیق کی سربراہی کرنے والے سائیکو تھراپسٹ اور لندن کی کوئین میری یونیورسٹی کے ڈاکٹریٹ کے طالبعلم ٹام فالکنسٹین نے کہا یہ حساسیت اور ذہنی صحت کے حوالے سے اب تک کا سب سے وسیع منظم جائزہ ہے اور اس موضوع پر پہلا میٹا اینالسز ہے جس نے اس تعلق کے اثرات کا تخمینہ لگایا۔
یہ بھی پڑھیے: کوئٹہ میں غیر معیاری و مضر صحت اشیاء کے خلاف بھرپور کریک ڈاؤن
تحقیقی ٹیم کے مطابق حساسیت عام طور پر ذہنی صحت کے معاملات میں نظرانداز کر دی جاتی ہے، حالانکہ یہ ڈپریشن، پوسٹ ٹرامیٹک اسٹریس ڈس آرڈر اور ایگورافوبیا سے جڑی ہوئی ہے۔
