جج فرینک کیپریو، جو اپنے ہمدردانہ فیصلوں اور مشہور عدالتی ویڈیوز کی وجہ سے جانے جاتے تھے، 88 سال کی عمر میں لبلبے کے کینسر سے جنگ کے بعد وفات پا گئے۔
جج کیپریو نے 1985 سے 2023 تک ریاست رہوڈ آئی لینڈ کے شہر پروویڈنس کی میونسپل کورٹ میں بطور جج خدمات انجام دیں۔ وہ اپنی ہمدردانہ اور انسان دوست عدالتی فیصلوں کے باعث نہ صرف امریکہ بلکہ دنیا بھر میں معروف تھے۔ ان کی عدالت میں پیش آنے والے کئی واقعات، جن میں وہ مالی مشکلات سے دوچار افراد کے جرمانے معاف کرتے دکھائی دیتے، سوشل میڈیا پر وائرل ہو چکے ہیں، جنہیں اربوں مرتبہ دیکھا جا چکا ہے۔
جج کیپریو کا عدالتی انداز نرم خوئی، مزاح اور قانون کی حکمت کے امتزاج کا حامل تھا۔ ان کا ماننا تھا کہ انصاف صرف قانون کی کتابوں سے نہیں بلکہ انسانیت سے بھی ہونا چاہیے۔
یہ بھی پڑھیں: مشہور زمانہ سابق جج فرینک کیپریو 88 برس کی عمر میں انتقال کر گئے
ان کی وفات پر دنیا بھر سے خراجِ عقیدت پیش کیا جا رہا ہے۔ انہیں ایک ایسے جج کے طور پر یاد رکھا جائے گا جنہوں نے عدالتی منصب کو عوامی خدمت کا ذریعہ بنایا اور دنیا کو یہ پیغام دیا کہ رحم دلی انصاف کی روح ہے۔
دنیا کے سب سے اچھے جج کہلائے جانے والے فرینک کیپریو کی وفات پر دنیا بھر میں سوگ کی فضا ہے۔ ان کی وفات پر دنیا بھر کے عوامی و سماجی حلقوں نے گہرے رنج و غم کا اظہار کیا ہے۔ سوشل میڈیا پر بھی انہیں خراجِ عقیدت پیش کیا جا رہا ہے، جہاں صارفین ان کے انسان دوست فیصلوں اور مثالی کردار کو یاد کر رہے ہیں۔
ایک صارف نے ویڈیو شیئر کرتے ہوئے انہیں خراج عقیدت پیش کیا اور کہا کہ جج کیپریو کو اپنی عدالت میں ان سابق فوجیوں کے لیے خاص ہمدردی تھی جو مشکل حالات سے گزر رہے ہوتے۔ وہ ان پر بھاری جرمانے عائد کرنے کے بجائے اکثر خود اپنی جیب سے ان کے جرمانے ادا کر دیتے تھے۔ ساتھ ہی انہوں نے جج کے لیے دعا کی کہ آپ کی روح کو سکون ملے۔
🚨 JUST IN: Frank Caprio, known as “America’s nicest judge,” has passed away at 88 from cancer
Fly high, your honor 🙏🏻
Judge Caprio had a soft spot in his courtroom for veterans experiencing hard times, and instead of bankrupting them, he’d pay most of their fines himself in… pic.twitter.com/X2P475GLkE
— Nick Sortor (@nicksortor) August 20, 2025
ایک ایکس صارف کا کہنا تھا کہ انہوں نے اس دنیا میں جو بھلائی کی وہ ہمیشہ یاد رکھی جائے گی۔
Oh he was loved!! A gentleman of honour and justice! The good he did in this world will forever be remembered. My condolences to his entire family.❤️ https://t.co/bel3Ely9p6
— Pharaoh👳🏾♂️👑 (@MrMekzy_) August 20, 2025
محمد حیات نے لکھا کہ جج فرینک کیپریو اپنی شفقت اور انصاف پسندی کی وجہ سے ہمیشہ یاد رہیں گے۔
جج فرینک کیپریو 88 سال کی عمر میں انتقال کر گئے۔۔۔اپنی شفقت اور انصاف پسندی کی وجہ سے ہمیشہ یاد رہیں گے!! pic.twitter.com/74gqTF10yO
— Mohammad Hayat (@mofarooka) August 20, 2025
فرحان ورک لکھتے ہیں کہ جب سے سوشل میڈیا دیکھنا شروع کیا، آج تک سب سے زیادہ کلپس ان جج صاحب کے دیکھے۔ ان کو دیکھ کر ہمیشہ حسرت رہتی تھی کہ کاش ایسے جج پاکستان میں بھی ہوتے۔ انہوں نے کہا جج فرینک کیپریو پاکستان کے بہت اچھے دوست تھے اور ہمارے اوورسیز پاکستانیوں سے بہت پیار کرتے تھے۔
جب سے سوشل میڈیا دیکھنا شروع کیا، آج تک سب سے زیادہ کلپس ان جج صاحب کے دیکھے۔ ان کو دیکھ کر ہمیشہ حسرت رہتی تھی کہ کاش ایسے جج پاکستان میں بھی ہوتے۔ آج یہ جج فرینک کیپریو وفات پاگئے ہیں۔ پاکستان کے بہت اچھے دوست تھے۔ ہمارے اوورسیز پاکستانیوں سے بہت پیار کرتے تھے۔ pic.twitter.com/Zg6VraR4uD
— Dr Farhan K Virk (@FarhanKVirk) August 20, 2025
ایک صارف نے لکھا کہ اللہ جج کیپریو پر اپنی رحمت نازل فرمائے، ان کا دل عظیم اور مہربان تھا۔
R.I.P judge Caprio, this man had the best and biggest heart pic.twitter.com/pxQMkIXESM
— Deplorable/MetalHead🇺🇸🤘🥁🎸 (@SAVATAGEMETAL) August 20, 2025
لوکاس نامی صارف نے لکھا کہ یہ وہی جج تھے جو اپنی عدالت میں آنے والے لوگوں سے ہمدردی کے لیے مشہور ہوئے تھے۔اللہ انھیں جوارِ رحمت میں جگہ دے۔ انہوں نے کہا کہ آپ کو کبھی نہیں بھلایا جائے گا۔
WHAT! I heard that Judge Frank Caprio passed away at the age of 87.
That’s sad! 😞 he was the judge who went viral for be compassionate to people who entered his courtroom.
Rest in peace! You will not be forgotten! ❤️ pic.twitter.com/eQfMHS5n8q
— Lucas Sanders 💙🗳️🌊💪🌈🚺🟧 (@LucasSa56947288) August 20, 2025
شمسہ رحمانی نے کہا کہ فرینک کیپریو محض ایک جج نہیں تھے بلکہ عدلیہ میں انسانیت اور شفقت کی زندہ مثال تھے، انہوں نے دنیا کو یہ دکھایا کہ انصاف صرف قانون کی سرد سطروں میں نہیں بلکہ رحم دلی میں بھی چھپا ہوتا ہے۔
#JudgeFrankCaprio
محض ایک جج نہیں تھے بلکہ عدلیہ میں انسانیت اور شفقت کی زندہ مثال تھے انہوں نے دنیا کو یہ دکھایا کہ انصاف صرف قانون کی سرد سطروں میں نہیں بلکہ رحم دلی میں بھی چھپا ہوتا ہے
ان کے رویے میں طاقت کے گھمنڈ سے زیادہ محبت جھلکتی تھی۔کاش پاکستان کے جج صاحبان بھی ان سے… pic.twitter.com/YVLco9GQHK— Shamsa Rehmani (@shamsaRehmani) August 20, 2025
صارفین کا کہنا ہے کہ فرینک کیپریو نے نہ صرف قانون کی بالادستی کو یقینی بنایا بلکہ عدالتی نظام کو انسانی ہمدردی سے ہم آہنگ کرنے میں بھی اہم کردار ادا کیا۔ ان کی خدمات کو ہمیشہ یاد رکھا جائے گا۔
