دنیا میں بہت سے لوگ ایک دوسرے سے ملتے جلتے نظر آتے ہیں، لیکن 3 ہمشکل افراد کا ایک ہی وقت اور جگہ پر موجود ہونا ایک حیران کن منظر ہوتا ہے۔ کیا واقعی ایسا ممکن ہے کہ 3 افراد ایک جیسے نظر آئیں اور ان کے درمیان اتنی مماثلت ہو کہ ہر کوئی الجھن کا شکار ہو جائے؟
ایسے ہی ایک دلچسپ اور انوکھے واقعے کی ویڈیو سوشل میڈیا پر وائرل ہو رہی ہے، جس میں 3 ہمشکل بھائیوں کے درمیان گاڑی کے لین دین کو لے کر شدید الجھن دیکھی جا رہی ہے۔ ویڈیو میں ایک شخص شو روم میں گاڑی خریدنے کے سلسلے میں گفتگو کر رہا ہوتا ہے، جبکہ اسی دوران اس کا ہمشکل بھائی آ کر دعویٰ کرتا ہے کہ اس نے ہی گاڑی خریدی ہے جبکہ چابی دوسرے شخص کو دی جا رہی ہے۔
تین سگے ،ہم شکل بھائی، اللہ کی شان بالکل ایک جیسے pic.twitter.com/6uEiZiPk8k
— شبانہ شوکت (@Shabanashaukat4) August 21, 2025
ابھی اس بات کا فیصلہ نہیں ہو پاتا کہ اصل میں گاڑی کس نے خریدی ہے کہ اس دوران تیسرا شخص بھی پہنچ جاتا ہے، جو پہلی دو کی عین مانند نظر آتا ہے۔ وہاں موجود افراد حیرت کا اظہار کرتے ہوئے کہتے ہیں کہ کہیں یہ تینوں بہروپے تو نہیں، کیونکہ شکل کے ساتھ ساتھ ان کے کپڑے اور جوتے بھی ایک جیسے ہیں۔
شو روم کے مالک نے ہاتھ جوڑ کر کہا کہ یہ ان کا نیا نیا شو روم ہے، اور اس طرح کی الجھنوں سے بچنے کی درخواست کی۔ انہوں نے مزید کہا کہ انہیں بھی سمجھ نہیں آ رہی کہ وہ گاڑی کس کو دیں۔
یہ ویڈیو صارفین میں خاصی دلچسپی کا باعث بنی ہوئی ہے اور اس پر مختلف قسم کے تبصرے بھی کیے جا رہے ہیں۔
