ماہِ ربیع الاول 1447 ہجری کا چاند نظر نہ آنے کے بعد یکم ربیع الاول 26 اگست بروز منگل کو ہوگی۔ اس حساب سے عید میلادالنبی ﷺ 6 ستمبر بروز ہفتہ کو منائی جائے گی، جو کہ اتفاق سے یومِ دفاعِ پاکستان کے دن آ رہی ہے۔
یہ بھی پڑھیں: ربیع الاول کا چاند نظر نہیں آیا، عید میلادالنبیﷺ 6 ستمبر کو ہوگی
واضح رہے کہ یومِ دفاع پاکستان ہر سال 6 ستمبر کو 1965 کی جنگ کے شہدا اور غازیوں کی قربانیوں کو یاد کرنے کے لیے منایا جاتا ہے۔
اس موقع پر ملک بھر میں تقریبات، سیمینارز اور دعائیہ اجتماعات منعقد ہوتے ہیں، جبکہ افواجِ پاکستان کی جانب سے پرچم کشائی اور یادگارِ شہدا پر سلامی پیش کی جاتی ہے۔
اس برس یہ دن ایک خاص روحانی اور مذہبی پہلو بھی اپنے ساتھ سمیٹے ہوئے ہے، کیونکہ 12 ربیع الاول یعنی ولادت باسعادت حضرت محمد مصطفیٰ ﷺ کی خوشیاں بھی اسی روز منائی جائیں گی۔
یوں 6 ستمبر 2025 نہ صرف قومی دفاع کی یاد دہانی کا دن ہوگا بلکہ سرورِ کائنات ﷺ کی ولادت کے بابرکت موقع کی خوشیاں بھی شامل کرے گا۔
یہ بھی پڑھیں: 6 ستمبر یوم دفاع پاکستان پر عام تعطیل؟ حکومت نے بالآخر اعلان کردیا
رواں برس یوم دفاع پاکستان اس لحاظ سے بھی اہمیت کا حامل ہے کہ پاکستان نے حال ہی میں معرکہ حق میں بھارت کے خلاف تاریخی فتح حاصل کی ہے۔
