کومل میر پاکستانی اداکارہ اور ماڈل ہیں جنہوں نے کم عمری میں شوبز کی دنیا میں قدم رکھا۔ وہ 1998 میں اسلام آباد میں پیدا ہوئیں اور ابتدا میں اینکر پرسن بننے کی خواہش رکھتی تھیں، لیکن قسمت نے انہیں اداکاری کی طرف لے آیا۔
کومل میر نے شوبز میں اپنے کیریئر کا آغاز 2017 میں ڈرامہ سیریل لکڑیاں سے کیا، جس کے بعد وہ مختلف بڑے پروجیکٹس میں نظر آئیں۔ ان کی معصوم شکل اور جاندار اداکاری نے انہیں جلد ہی مداحوں کے دلوں میں جگہ دلائی۔
یہ بھی پڑھیں: ہارون کادوانی اور کومل میر کی ڈراما سیریل ’عشق ہوا‘ کا پہلا ٹریلر ریلیز
ان کے مشہور ڈراموں میں عشق زہے نصیب، راحت، بدصورت، قیامت اور وہ مہربان شامل ہیں۔
کومل میر نے ماڈلنگ میں بھی نام بنایا اور کئی برانڈز کے ساتھ کام کیا۔ کم وقت میں ہی انہوں نے ایک منفرد پہچان قائم کی اور آج وہ پاکستان کی ابھرتی ہوئی باصلاحیت اداکاراؤں میں شمار کی جاتی ہیں۔
ماڈل کومل میر نے انکشاف کیا ہے کہ وہ محبت میں کبھی نہیں پڑ سکتیں کیونکہ آج کی نسل کا رویہ اور سوچ پہلے جیسی نہیں رہی۔
ایک پروگرام میں گفتگو کرتے ہوئے کومل میر نے کہا کہ وہ کئی ڈراموں میں کام کر چکی ہیں جن کی کہانیاں زیادہ تر محبت اور رومانوی رشتوں کے گرد گھومتی ہیں، لیکن حقیقی زندگی میں ان کا محبت کے بارے میں مختلف نظریہ ہے۔
یہ بھی پڑھیں: کاسمیٹک سرجری کا الزام، اداکارہ کومل میر نے خاموشی توڑ دی
کومل کے مطابق آج کی جنریشن محبت میں پڑنے کے بجائے صرف وقتی کشش یا انفچیوشن تک ہی محدود رہتی ہے۔ انہوں نے کہا ’اب وہ پرانا عشق کہیں نظر نہیں آتا۔ رشتے ہوں یا دوستیاں، ان میں بھی سچی محبت ختم ہوتی جا رہی ہے۔‘
انہوں نے مردوں کے بدلتے رویے پر بھی کھل کر بات کی۔ کومل میر کا کہنا تھا کہ آج کے مرد زیادہ فیمنائن ہو گئے ہیں اور یہ چیز انہیں بالکل پسند نہیں۔ ان کے مطابق، چونکہ وہ خود ایک مضبوط اور آزاد خیال عورت ہیں، اس لیے انہیں ایک ایسا مرد چاہیے جو زندگی میں فیصلے کرنے کی صلاحیت رکھتا ہو۔
یہ بھی پڑھیں: ’می ٹو‘ مہم کو پاکستان میں ذاتی مفادات کے لیے استعمال کیا گیا، کومل میر
انہوں نے مزید کہا کہ ’میں خود فیصلہ کرنے میں غیر یقینی کا شکار رہتی ہوں، اس لیے میں اسی مرد کی عزت کروں گی جو فیصلے لینے میں مضبوط ہو۔ لیکن اب مرد بہت پوکی اور کمزور لگنے لگے ہیں، اسی لیے محبت نہیں ہو پاتی۔‘
