خیبرپختونخوا کے دارالحکومت پشاور سمیت ملک کے کئی مختلف علاقوں میں زلزلے کے جھٹکے محسوس کیے گئے، جس پر شہری خوفزدہ ہو کر گھروں اور عمارتوں سے باہر نکل آئے۔
زلزلہ صوابی، سوات اور ملاکنڈ کے اضلاع میں بھی آیا، جبکہ باجوڑ، چترال اور مانسہرہ میں بھی جھٹکوں کی شدت ریکارڈ کی گئی۔ گلگت بلتستان کے علاقے غذر کے گاہکوچ شہر اور اس کے مضافات میں بھی زمین لرز اٹھی۔
زلزلہ پیما مرکز کے مطابق زلزلے کا مرکز افغانستان کا ہندوکش ریجن تھا، جس کی شدت ریکٹر اسکیل پر 5.3 ریکارڈ کی گئی جبکہ اس کی گہرائی 110 کلومیٹر زیرِ زمین تھی۔
