بالی وڈ اداکارہ پریانکا چوپڑا کاکہنا ہے کہ 2000میں جب انہوں نے لندن میں مس ورلڈ کا مقابلہ جیتا تھا تو نک جونس( ان کے شوہر) نے انہیں 7سال کی عمرمیں مقابلہ جیتتے ہوئے دیکھا تھا۔
واضح رہے کہ اداکارہ نے امریکی گلوکار اور اداکار نک جونس سے یکم دسمبر2018کو راجستھان میں ہندو اور عیسائی رسم و رواج کے مطابق شادی کی تھی۔
ان کی شادی کو 4سال ہو چکے ہیں، ان کی ایک بیٹی مالٹی میری جونس بھی ہے جو جنوری 2021میں پیدا ہوئی تھی۔
اپنے حالیہ انٹرویو میں اداکارہ نے نک جونس اور اپنی عمر کے درمیان فرق کے حوالے سے بات کی ۔
سابقہ مس ورلڈ نے کہا کہ نک جونس کی والدہ نے انہیں بتایا کہ انہوں نے مجھے مقابلہ حسن جیتتے ہوئے دیکھا تھا۔
اداکارہ کی ساس نے بتایا کہ نک جونس کے والد کو مقابلے دیکھنے کا بہت شوق تھا اور نک ہمارے ساتھ بیٹھ کر تمہیں مقابلہ جیتتے ہوئے دیکھ رہا تھا۔
پریانکا چوپڑا اپنی ساس کی بات سن کر حیران ہوئیں اور کہا کہ یہ بہت عجیب تھا مقابلہ حسن کے لیے، میں لندن میں تھی اور نک جونس کی فیملی ٹیکساس میں تھی۔
اداکارہ نے بتایا کہ ان کی عمر اس وقت 17 سال تھی اور نک جونس 7سال کا انہیں مقابلہ جیتتے ہوئے دیکھ رہا تھا۔
پریانیکا چوپڑا کا کہنا تھا کہ یہ 22سال پہلے کی بات ہے جو ان کے لیے ناقابل تصور ہے۔
View this post on Instagram
واضح رہے کہ اداکارہ پریانکا چوپڑا نےکچھ عرصہ سے بالی ووڈ سے کنارہ کشی اختیار کی ہوئی ہے۔ اداکارہ نے اپنے ایک انٹرویو میں انکشاف کیا تھا کہ انہیں بالی ووڈ انڈسٹری میں ایک طرف دھکیلا جا رہا تھا اور لوگوں نے انہیں کاسٹ کرنا بند کر دیا تھا۔ بالی ووڈ چھوڑنے کی وجہ انہوں نے اقربا پروری کو قرار دیا تھا۔
بین الاقوامی اداکارہ حال ہی میں ہالی ووڈ کی ایکشن اور تھرلر سے بھرپور ویب سیریز سیٹیڈل میں نظر آئی تھیں جس میں وہ نادیہ سِن نامی جاسوس کا کردار ادا کر رہی ہیں۔
اس کے علاوہ اداکارہ ہالی وڈ کی نئی فلم ہیڈ آف اسٹیٹ میں اداکار ادریس ایلبا اور جون سینا کے ساتھ نظر آئیں گی۔
مزید پڑھیے:ناک کی غلط سرجری کے باعث 3فلموں سے نکال دیا گیا تھا،پریانکا چوپڑا
