ایشیا کپ 2025 کے ٹکٹ فروخت کے لیے پیش کر دیے گئے ہیں جن میں پاکستان اور بھارت کے درمیان ہونے والے میچ کے ٹکٹ بھی شامل ہیں۔ یہ اعلان امارات کرکٹ بورڈ نے جمعے کے روز کیا۔
یہ بھی پڑھیں: سہ ملکی سیریز اور ایشیا کپ کے لیے پاکستان کا 17 رکنی اسکواڈ فائنل
بورڈ کے مطابق ابوظہبی میں ہونے والے میچز کے ٹکٹس 40 درہم جبکہ دبئی میں شیڈول میچز کے ٹکٹس 50 درہم سے شروع ہو رہے ہیں۔
پاک بھارت میچ کا ٹکٹ کیسے خریدا جا سکتا ہے؟
امارات کرکٹ بورڈ کے بیان میں کہا گیا ہے کہ پاکستان بمقابلہ بھارت کے سب سے زیادہ طلب کیے جانے والے میچ کے ٹکٹس ابتدائی طور پر 7 میچوں کے ایک خصوصی پیکیج کے تحت دستیاب ہوں گے جس کی قیمت 1،400 درہم سے شروع ہو رہی ہے۔
مزید پڑھیے: افغانستان کا ایشیا کپ 2025 کے لیے 17 رکنی اسکواڈ کا اعلان، نوین الحق کی واپسی
بورڈ نے مزید وضاحت کی کہ شائقین دیگر تمام میچز کے لیے علیحدہ علیحدہ ٹکٹس بھی خرید سکتے ہیں جو اس 7 میچوں کے پیکیج میں شامل نہیں ہوں گے۔
🎟️ Tickets go live today!
Get your tickets, 5PM GST onwards today at https://t.co/yjrpsEOA5B
Hurry up and watch the 8 nations battle it out for Asian supremacy live from the stadiums!🤜🤛 pic.twitter.com/EsSgbzuwmE
— AsianCricketCouncil (@ACCMedia1) August 29, 2025
ٹکٹ کہاں سے حاصل کیے جا سکتے ہیں؟
بورڈ کا کہنا ہے کہ آنے والے دنوں میں ٹکٹس دبئی انٹرنیشنل اسٹیڈیم اور زاید کرکٹ اسٹیڈیم، ابوظہبی کے ٹکٹ دفاتر پر بھی دستیاب ہوں گے۔ ان دفاتر سے متعلق تفصیلات جلد جاری کی جائیں گی۔
مزید پڑھیں: ایشیا کپ کے لیے بھارت کے مضبوط اسکواڈ کا اعلان، جسپریت و کلدیپ اِن، جیسوال آؤٹ
ایشیا کپ 2025 کا بے صبری سے انتظار کیا جا رہا ہے خاص طور پر پاکستان اور بھارت کے درمیان روایتی حریفوں کا مقابلہ شائقین کے لیے مرکز نگاہ بنا ہوا ہے۔
