بھارتی ریاست کرناٹک میں ایک شخص نے اپنی بیٹی کا گلا گھونٹ کر قتل کردیا۔
پولیس کے مطابق باپ نے بیٹی کا گلا گھونٹ دیا اور اس کے منہ میں کیڑے مار دوا ڈال دی تاکہ معاملہ خود کشی معلوم ہو۔ گاؤں والوں نے اس پر یقین کیا اور آخری رسومات میں حصہ بھی لیا۔
باپ نے بیٹی کی آخری رسومات بھی ادا کیں۔ پولیس کو اطلاع ملی تھی کہ 18 سالہ لڑکی کی خودکشی سے موت ہوئی ہے اور اس کی آخری رسومات ادا کر دی گئی ہیں، لیکن اس معاملے کے بارے میں شکوک و شبہات ہیں۔
مزید پڑھیں: ’خود کشی کے خیال آتے تھے‘ طلاق کے بعد اے آر رحمان پہلی بار منظرِ عام پر
مقامی پولیس گاؤں پہنچی اور حالات کی تصدیق کرکے لڑکی کے والد شنکر کو گرفتار کرلیا۔ قاتل نے بیٹی کے رشتے کی مخالفت کی تھی، کیونکہ اس کی 5 بیٹیاں ہیں۔ اسے خدشہ تھا کہ ذات برادری سے باہر شادی اس کی دیگر بیٹیوں کی شادی کے امکانات کو متاثر کرے گی۔
شنکر نے بیٹی کو اپنے رشتہ داروں کے ذریعے اپنی پڑھائی پر توجہ دینے کے لیے راضی کرنے کی کوشش کی لیکن وہ اپنی ضد پر قائم رہی۔ یوں شنکر نے اس کا گلا گھونٹ دیا اور اسے خودکشی کے طور پر ظاہر کرنے کے لیے اس کے منہ میں کیڑے مار دوا ڈال دی۔
مزید پڑھیں: مسافر کی جہاز میں خود کشی کی کوشش، ہنگامی لینڈنگ
پولیس نے قتل اور شواہد سے چھیڑ چھاڑ کے مقدمات درج کر لیے ہیں۔ پولیس کے مطابق 2 اور لوگوں کے ملوث ہونے کا شبہ ہے جو شنکر کے رشتہ دار ہیں۔ تحقیقات جاری ہیں، اور اگر قصوروار پایا گیا تو انہیں بھی گرفتار کر لیا جائے گا۔
