آج اسلام آباد میں سابق وزیر اعظم اور چیئرمین پاکستان تحریک انصاف عمران خان کی اسلام آباد ہائیکورٹ میں پیشی کے موقع پر حسب توقع سری نگر ہائی وے ایک پھر میدان جنگ کا منظر پیش کر رہا تھا۔ اس موقع پر ہائیکورٹ کی سڑکوں کو کنٹینرز کے ذریعے بلاک کر دیا گیا تھا۔
پاکستان تحریک انصاف کے مختلف رہنماؤں کی اپیل پر کارکنان کے جتھے مختلف مقامات پر نظر آئے جنہیں منتشر کرنے کے لیے پولیس نے آنسو گیس کی شیلنگ کی۔ جب کہ اس موقع پر ایبٹ آباد سے پاکستان تحریک انصاف کے سابق رکن قومی اسمبلی خالد جدون کے علاوہ متعدد کارکنان کی گرفتاری بھی عمل میں آئی۔ پولیس کے دعوے کے مطابق خالد جدون کی گاڑی سے اسلحہ برآمد ہوا تھا۔
علاوہ ازیں پولیس وین میں شیل چلنے سے آگ بھڑک اٹھی جس نے دیکھتے ہی دیکھتے وین کو اپنی لپیٹ میں لے لیا۔ تاہم آگ پر قابو پانے تک پولیس وین مکمل طور پر جل گئی۔
