گوگل نے اپنی ڈاکس ایپلی کیشن میں نیا فیچر شامل کردیا ہے جس کے ذریعے صارفین اپنی تحریروں کو جیمینی کی مدد سے سن سکتے ہیں۔ یہ سہولت خاص طور پر ان افراد کے لیے مفید ہے جو اپنی تحریر کو سن کر غلطیاں تلاش کرنا چاہتے ہیں یا مطالعہ کے دوران معلومات کو بہتر طور پر جذب کرنا چاہتے ہیں۔
یہ بھی پڑھیں: گوگل ڈاکس نے دستاویزات کو آڈیو میں سننے کا نیا فیچر متعارف کرا دیا
گوگل ڈاکس کے ورژن 1.25.341 میں نیا کوڈ شامل کیا گیا ہے، جس کے تحت اینڈرائیڈ پر بھی ویب کی طرح دستاویز کو سننے کا فیچر موجود ہوگا۔ اب ایڈٹ آئیکن کے اوپر ایک پلے بٹن نظر آئے گا، جو متن کو جیمینی کے ذریعے آواز میں بدل دے گا۔
ویب پر جیمینی مختلف آوازوں کے اسٹائل فراہم کرتا ہے جیسے ’ایجوکیٹر‘ اور ’نیریٹر‘، تاہم یہ فی الحال اینڈرائیڈ پر دستیاب نہیں۔ اس وقت صارفین رفتار، آواز بدلنے یا آڈیو چِپس شامل کرنے کے آپشنز استعمال نہیں کرسکتے، لیکن کمپنی مستقبل کی اپ ڈیٹس میں ان سہولیات کو متعارف کرانے کا ارادہ رکھتی ہے۔
یہ بھی پڑھیں: گوگل نے جی میل اور دیگر سروسز کے لیے اے آئی ماڈل متعارف کروا دیا
یہ نئی سہولت فی الحال صرف گوگل ورک اسپیس صارفین اور جیمینی اے آئی پرو یا الٹرا پلان کے سبسکرائبرز کے لیے دستیاب ہے اور اسے صرف ویب ورژن پر استعمال کیا جاسکتا ہے۔
