محکمہ موسمیات نے پیش گوئی کی ہے کہ آج ملک کے بیشتر علاقوں میں موسم خشک اور گرم رہے گا جبکہ خیبر پختونخوا، گلگت بلتستان اور کشمیر میں چند مقامات میں گرج چمک کے ساتھ بارش کا امکان ہے۔
محکمہ موسمیات کے مطابق ہفتہ کے روز ملک کے بیشتر میدانی علا قوں میں موسم خشک اور گرم رہے گا تاہم دوپہر کے بعد بالائی خیبر پختونخوا، گلگت بلتستان ، کشمیر اور اس سے ملحقہ علاقوں میں چند مقامات پر تیز ہواؤں اور گرج چمک کے ساتھ ہلکی بارش کی توقع ہے، اس دوران میدانی علاقوں میں گردآلود ہوائیں چلنے کا امکان ہے۔
محکمہ موسمیات کا کہنا ہے کہ اتوار کے روز ملک کے بیشتر میدانی علا قوں میں موسم خشک اور گرم رہے گا۔ تاہم شام یا رات کے دوران بالائی خیبر پختونخوا، گلگت بلتستان ، کشمیر اور اس سے ملحقہ علاقوں میں چند مقامات پر تیز ہواؤں اور گرج چمک کے ساتھ ہلکی بارش کی توقع ہے۔
گذشتہ 24 گھنٹے میں ملک کے بیشتر علاقوں میں موسم خشک جبکہ جنوبی علاقوں میں گرم رہا۔ تاہم سب سے زیادہ بارش خیبر پختونخوا، کالام 03، میرکھانی، دیر 02، چترال 01اورپنجاب، لاہور (ائیر پورٹ)، ملتان میں 01 ملی میٹر بارش ریکارڈ کی گئی۔
گزشتہ روز دادو میں 48،شہید بینظیر آباد، لاڑکانہ اور جیکب آباد میں درجہ حرارت 47 ڈگر ی سینٹی گریڈریکارڈ کیا گیا۔
