منا بھائی اور سرکٹ کی مقبول جوڑی ایک بار پھر بڑے پردے کی زینت بنے گی
بھارتی فلم انڈسٹری کے دو مشہور کرداروں منا بھائی اور سرکٹ کی مقبول جوڑی ایک بار پھر بڑے پردے کی زینت بننے کو تیار ہے تاہم ابھی یہ معلوم نہیں کہ اس بار یہ جوڑی کس کردار میں نظر آئے گی۔
فوٹو اینڈ ویڈیو شیئرنگ پلیٹ فارم انسٹاگرام پر بالی ووڈ کے سنجو بابا نے ایک فلم کا پوسٹر شیئر کیا جبکہ ارشد وارثی نے مائیکرو بلاگنگ سائٹ پر ٹوئٹ کرتے ہوئے یہ ہی پوسٹر شیئر کیا۔
اس پوسٹر میں شائقین فلم کی پسندیدہ جوڑی سلاخوں کے پیچھے ، قیدیوں کے لباس میں ہے۔
اس پوسٹ کے کیپشن میں سنجے دت نے لکھا کہ ’ہمارا انتظار آ پ کے انتظار سے طویل ہے تاہم اب انتظار کی یہ گھڑیاں ختم ہوئیں، جلد اپنے بھائی ارشد وارثی کے ساتھ ایک اور دلچسپ فلم لا رہا ہوں، دیکھتے رہیے‘۔
اداکار ارشد وارثی نے بھی ملے جلے جذبات کا اظہار کرتے اپنی آنے والی فلم کا اعلان کیا۔
ہدایت کار سدھانت سکھدیو کی ہدایتکاری میں بنے والی اس کامیڈی فلم کو خود سنجے دت نے پروڈیوس کیا ہے، تاہم ابھی اس فلم کا نام ظاہر نہیں کیا گیا ہے لیکن جلد اسے ریلیز کیا جائے گا۔
دوسری جانب شایقین پُر امید ہیں کہ ان کی پسندیدہ جوڑی ’منا بھائی ایم بی ایس ایس 3‘ کے لئے اکھٹا ہوئے ہیں۔
