بھارتی سپریم کورٹ میں ایک درخواست دائر کی گئی ہے جس میں بھارت اور پاکستان کے درمیان 14 ستمبر کو دبئی میں ہونے والا ایشیا کپ ٹی 20 میچ منسوخ کرنے کی استدعا کی گئی ہے۔
یہ بھی پڑھیں: ایشیا کپ 2025 کی ٹرافی کی شاندار رونمائی، ایونٹ کے بارے میں ٹیم کپتان کیا کہہ رہے ہیں؟
بھارتی میڈیا کے مطابق سپریم کورٹ میں 4 لا اسٹوڈنٹس کی جانب سے PIL پٹیشن(عوامی مفاد کی درخواست) دائر کی گئی ہے۔
درخواست گزاروں کے مطابق حالیہ پہلگام حملے اور آپریشن سندور میں بھارتی شہریوں اور فوجیوں کی قربانیوں کے بعد پاکستان کے ساتھ کرکٹ کھیلنا قومی وقار اور عوامی جذبات کے منافی ہے۔
درخواست میں مؤقف اپنایا گیا ہے کہ کرکٹ کو قومی مفاد، شہریوں کی جانوں اور مسلح افواج کی قربانیوں پر فوقیت نہیں دی جاسکتی۔
یہ بھی پڑھیں: ایشیا کپ 2025: افغانستان نے ہانگ کانگ کو 94 رنز سے ہرادیا
ساتھ ہی درخواست گزاروں نے نیشنل اسپورٹس گورننس ایکٹ 2025 کے نفاذ کی بھی استدعا کی ہے، درخواست وکلا سنیہا رانی، ابھیشیک ورما اور محمد انس چوہدری کے توسط سے دائر کی گئی۔
