اسلامی جمہوریہ پاکستان کے صدر آصف علی زرداری چین کی حکومت کی دعوت پر کل 10 روزہ( 12 تا 21 ستمبر 2025 ) سرکاری دورے پر کل روانہ ہوں گے۔
صدرِ پاکستان اس دوران چینگدو، شنگھائی اور سنکیانگ ویغور خودمختار علاقے کا دورہ کریں گے اور وہاں کی صوبائی قیادت سے ملاقاتیں کریں گے۔
یہ بھی پڑھیے چین کے ساتھ مختلف شعبوں میں وسیع تر تعاون کے خواہاں ہیں، صدر آصف علی زرداری
اہم ایجنڈا
اس دورے کے دوران پاکستان اور چین کے درمیان دوطرفہ تعلقات پر بات چیت ہوگی جبکہ اقتصادی و تجارتی تعاون پر بھی خاص توجہ مرکوز رہے گی۔ علاوہ ازیں چین پاکستان اقتصادی راہداری (CPEC) اور مزید کنیکٹیویٹی اقدامات پر غور کیا جائے گا۔ کثیرالجہتی فورمز پر دونوں ممالک کے درمیان تعاون کے فروغ پر تبادلۂ خیال ہوگا۔
🇵🇰 Pakistan President Zardari: “Taiwan is part of China.”pic.twitter.com/r45xzwVMOZ
— COMBATE |🇵🇷 (@upholdreality) May 20, 2024
یہ بھی پڑھیے صدر مملکت آصف علی زرداری کی چین کو واخان کوریڈور میں شمولیت کی دعوت
یہ دورہ پاکستان اور چین کے درمیان اعلیٰ سطحی روابط کی دیرینہ روایت کو اجاگر کرتا ہے۔ دونوں ممالک اپنی سدا بہار اسٹریٹجک کوآپریٹو پارٹنر شپ کو مزید مستحکم بنانے کے عزم کا اعادہ کریں گے۔
اس موقع پر بنیادی قومی مفادات کے امور پر باہمی حمایت کا اعادہ ہوگا۔ اقتصادی و تجارتی تعاون بالخصوص سی پیک کو آگے بڑھانے پر زور دیا جائے گا۔ خطے میں امن، ترقی اور استحکام کے لیے مشترکہ عزم کو نمایاں کیا جائے گا۔
