پاکستان ڈرامہ انڈسٹری کی نامور اداکارہ سارہ خان اپنی شاندار اداکاری اور دلکش شخصیت کی وجہ سے نہ صرف پاکستان بلکہ دنیا بھر میں مقبول ہیں۔
ان کی شادی گلوکار فلک شبیر سے ہوئی اور دونوں کی ایک بیٹی ایلیانا بھی ہے۔ شوبز جوڑی کی محبت کو مداح بے حد پسند کرتے ہیں جبکہ سارہ خان کے سوشل میڈیا اکاؤنٹس ہمیشہ توجہ کا مرکز بنے رہتے ہیں۔
یہ بھی پڑھیے: معروف یوٹیوبر اقرا کنول ماں بن گئیں، سوشل میڈیا پر مبارکبادوں کا ڈھیر
تاہم حال ہی میں سارہ خان کی ہم شکل ایک بھارتی ماڈل اور انفلوئنسر پریانکا شرما منظرِ عام پر آئی ہیں جنہیں دیکھ کر مداح حیران رہ گئے۔ پریانکا کی تصاویر وائرل ہوئیں تو سوشل میڈیا صارفین نے انہیں سارہ خان کی ہُوبہُو نقل قرار دیا۔
مداحوں نے تبصرے کرتے ہوئے کہا کہ یہ بالکل سارہ خان جیسی لگ رہی ہے۔ ایک اور مداح کا کہنا تھا کہ سارہ خان، ہمیں آپ کی بہن مل گئی۔
سوشل میڈیا پر یہ تصاویر اور تبصرے تیزی سے وائرل ہو رہے ہیں اور مداح دونوں کی حیرت انگیز مشابہت پر اپنی رائے دے رہے ہیں۔
