سپریم کورٹ کی جج جسٹس عائشہ ملک کے اسکواڈ میں شامل گاڑی کو لاہور کے قریب حادثہ پیش آیا ہے، جس کے نتیجے میں 5 پولیس اہلکار زخمی ہوگئے۔
حادثہ کالا شاہ کاکو کے قریب جی ٹی روڈ پر ٹائر برسٹ ہونے سے پیش آیا،پانچ پولیس اہلکار زخمی ہوگئے،جسٹس عائشہ ملک محفوظ رہیں۔ https://t.co/N6w09SpR6z pic.twitter.com/OlV1ZcEOEC
— Muhammad Umair (@MohUmair87) September 14, 2025
حادثہ کالا شاہ کاکو کے قریب جی ٹی روڈ پر پیش آیا، جہاں پولیس اسکواڈ کی گاڑی کا ٹائر اچانک برسٹ ہوگیا۔ ٹائر پھٹنے کے باعث گاڑی بے قابو ہو کر حادثے کا شکار ہوگئی۔
حادثے کے باعث اسکواڈ میں شامل 5 پولیس اہلکار زخمی ہوئے۔ جنہیں فوری طور پر قریبی اسپتال منتقل کیا گیا جہاں انہیں طبی امداد فراہم کی جارہی ہے۔
پولیس حکام کے مطابق زخمی اہلکاروں کی حالت خطرے سے باہر ہے جبکہ حادثے کے بعد ٹریفک کی روانی کچھ دیر کے لیے متاثر ہوئی، جسے بعد ازاں بحال کردیا گیا۔
