جاپان کے دارالحکومت ٹوکیو میں ہونے والے ورلڈ ایتھلیٹکس چیمپیئن شپ 2025 کے جیولن تھرو فائنل میں پاکستان کے ارشد ندیم اور بھارت کے نیرج چوپڑا کوئی میڈل حاصل نہ کر سکے۔
ٹرینیڈاڈ اینڈ ٹوباگو کے کیشورن والکاٹ نے شاندار کارکردگی دکھاتے ہوئے 88.16 میٹر کی شاندار تھرو کے ساتھ پہلی بار ورلڈ ایتھلیٹکس چیمپیئن شپ کا طلائی تمغہ اپنے نام کیا۔
والکاٹ اس سے قبل لندن اولمپکس 2012 میں بھی گولڈ میڈل جیت چکے ہیں، لیکن عالمی مقابلوں میں یہ ان کا پہلا تمغہ ہے۔ 32 سالہ ایتھلیٹ نے اس کامیابی کے ساتھ اپنی دیرینہ خواہش پوری کرلی۔
گریناڈا کے اینڈرسن پیٹرز، جو 2 مرتبہ عالمی چیمپیئن رہ چکے ہیں، اس بار دوسرے نمبر (87.38) پر آئے اور چاندی کا تمغہ جیتا۔ تیسری پوزیشن (86.67) امریکا کے تھامپسن نے حاصل کی، جنہوں نے مشکل موسمی حالات کے باوجود کانسی کا تمغہ اپنے نام کیا۔
بھارت کے سچن یادیو نے بھی اچھی کارکردگی دکھائی اور 80.95 میٹر کی تھرو کی، تاہم وہ تمغہ جیتنے میں کامیاب نہ ہو سکے۔ جرمنی کے ویبر نے 84.67 میٹر کی تھرو کی لیکن وہ بھی میڈل کی دوڑ سے باہر رہے۔
بارش اور تیز ہوا کے باعث جیولن تھرو کے کھلاڑیوں کو مشکل حالات کا سامنا رہا، تاہم آخری راؤنڈ کے لیے کوالیفائی کرنے والے کھلاڑیوں میں والکاٹ، پیٹرز، تھامپسن، یادیو اور ویبر شامل تھے۔
