بالی وڈ اداکارہ پرینیتی چوپڑا نے عام آدمی پارٹی (آپ) سے تعلق رکھنے والے رکن اسمبلی رگھو چڈھا کے ساتھ منگنی کی تو تقریب کے دوران ایک گانے پر ان کی لپسنگ اور انداز سوشل ٹائم لائنز پر وائرل رہے۔
انڈین اور پاکستانی میڈیا کے ساتھ ساتھ سماجی رابطوں کی ویب سائٹس پر بھی جوڑے کا خصوصی تذکرہ رہا۔
The best part about these videos coming out of Raghav and Parineeti's Engagement ceremony is that it brings a welcome change, Politicians are just normal human beings and do not need to act holier than thou all the time.
Very heart-warming. pic.twitter.com/el1pjMknG9
— Roshan Rai (@RoshanKrRaii) May 13, 2023
پرینیتی چوپڑا اور عام آدمی پارٹی کے رکن اسمبلی رگھو چڈا رواں برس کے شروع میں پہلی مرتبہ اکٹھے دیکھتے گئے تھے تاہم دونوں نے اپنے تعلق کے متعلق کوئی گفتگو نہیں کی تھی۔
اسی دوران یہ اطلاع سامنے آئی کہ اداکارہ اور ان کے سیاستدان دوست 13 مئی کو منگنی کر رہے ہیں، اس پر بھی دونوں جانب سے خاموشی ہی کو ترجیح دی گئی۔
پیر کی صبح پرینیتی چوپڑا نے انسٹاگرام اور ان کے منگیتر نے ٹوئٹر پر اپنی منگنی کی باقاعدہ اطلاع شیئر کرتے ہوئے مبارکباد دینے والوں کا شکریہ بھی ادا کیا۔
— Raghav Chadha (@raghav_chadha) May 15, 2023
باقاعدہ منگنی ہونے کے بعد اداکارہ نے اپنی تصاویر انسٹاگرام کے 40.7 ملین فالوورز سے شیئر کی تو لکھا کہ ’وہ سب جس کی دعا کی۔ میں نے ہاں کہہ دی۔‘
View this post on Instagram
انڈیا کے دارالحکومت دلی میں ہونے والی منگنی کی تقریب میں پرینیتی چوپڑا اور رگھو چڈا کے اہلخانہ، دوست اور قریبی افراد شریک ہوئے۔
انڈین میڈیا کے مطابق دونوں کے درمیان باقاعدہ تعلقات استوار ہونے سے قبل ہی دونوں ایک دوسرے کو جانتے تھے۔
انڈین خبر رساں ادارے اے این آئی کے مطابق دونوں لندن سے زیرتعلیم اور طویل عرصے سے ایک دوسرے کو جانتے ہیں۔
’جب پرینیتی لندن میں پڑھ رہی تھیں اس وقت جوڑے کی ملاقات ہوئی تھی۔‘
جوڑے کی منگنی کی تقریب میں دلی کے وزیراعلی ارویند کجریوان، پنجاب کے وزیراعلی بھگوت مان، سابق وزیر خزانہ پی چدمبرم اور شیوسینا کے لیڈر ادیتیا ٹھاکر شریک ہوئے۔
