دبئی میں گزشتہ شب بھارت نے اپنے روایتی حریف پاکستان کو 5 وکٹوں سے شکست دے کر ریکارڈ 9ویں بار ایشیا کپ جیت لیا۔ کامیابی کے فوراً بعد بھارتی کرکٹ بورڈ (بی سی سی آئی) نے کھلاڑیوں اور سپورٹ اسٹاف کے لیے بڑی رقم کا کا اعلان کیا۔
بی سی سی آئی نے سوشل میڈیا پلیٹ فارم ایکس پر لکھا، ‘3 دھماکے، 0 جواب۔ ایشیا کپ چیمپئنز۔ پیغام پہنچ گیا۔ ٹیم اور سپورٹ اسٹاف کے لیے 21 کروڑ (بھارتی) روپے انعام۔’
یہ بھی پڑھیے: بھارتی ٹیم کا رویہ ہماری نہیں بلکہ کرکٹ کی توہین ہے، سلمان علی آغا
بھارت کی فتح میں نمایاں کردار نوجوان تلک ورما نے ادا کیا جنہوں نے 53 گیندوں پر ناقابلِ شکست 69 رنز بنا کر ہدف کے تعاقب کو ممکن بنایا۔ بھارت نے 147 رنز کا تعاقب مشکلات کے باوجود پورا کیا۔ ورما نے شیوَم دوبے کے ساتھ 60 رنز کی شراکت قائم کی جبکہ آخر میں رنکو سنگھ کے ساتھ مل کر فتح کا شاندار اختتام کیا۔
3 blows.
0 response.
Asia Cup Champions.
Message delivered. 🇮🇳21 crores prize money for the team and support staff. #AsiaCup2025 #INDvPAK #TeamIndia pic.twitter.com/y4LzMv15ZC
— BCCI (@BCCI) September 28, 2025
اس سے قبل کلدیپ یادیو کے شاندار اسپیل 30 رنز کے عوض 4 وکٹوں نے پاکستان کی بیٹنگ لائن کو زمین بوس کر دیا۔ پاکستان نے ایک وقت میں 113/1 کے اسکور کے بعد 146 رنز پر 19.1 اوورز میں ڈھیر ہو گیا۔ فخر زمان (46) اور صاحبزادہ فرحان (57) نے پاکستان کو شروعات میں مستحکم پوزیشن پر پہنچایا، مگر کلدیپ کے 17ویں اوور میں تین وکٹوں نے میچ کا رخ بدل دیا۔
یہ بھی پڑھیے: محسن نقوی سے ٹرافی وصول نہ کرنے پر بھارتی ٹیم آئی سی سی سے معطلی کی مضبوط امیدوار ہے، راشد لطیف
میدان کے ساتھ ساتھ ماحول بھی خاصا کشیدہ رہا۔ جسپریت بمراہ نے حارث رؤف کو آؤٹ کرنے کے بعد ان کی نقل کی جبکہ دونوں ٹیموں کے کھلاڑیوں کے درمیان ایک اور میچ بغیر مصافحے کے ختم ہوا اور فاتح ٹیم نے محسن نقوی سے ٹرافی وصول کرنے سے بھی انکار کردیا۔
