واٹس ایپ نے آئی او ایس صارفین کے لیے ایپ نیویگیشن کو بہتر بنانے کی غرض سے نئی خصوصیات متعارف کرائی ہیں۔ تازہ اپ ڈیٹ 25.27.73 میں کمپنی نے ایک نیا کالز ہب لانچ کیا ہے جس میں تمام کال سے متعلقہ فیچرز ایک ہی جگہ دستیاب ہوں گے۔
اس نئے ہب کے ذریعے صارفین نہ صرف کال شروع کرسکیں گے بلکہ ملاقات (میٹنگ) شیڈول کرنے، ڈائلر کھولنے اور پسندیدہ نمبرز مینیج کرنے کی سہولت بھی ایک ہی اسکرین پر میسر ہوگی۔ اس فیچر کا مقصد تیز رفتار اور آسان کمیونیکیشن کو یقینی بنانا ہے۔
یہ بھی پڑھیں: واٹس ایپ کا شارٹ کٹ فیچر متعارف، اسٹیٹس دیکھنے والوں سے براہِ راست چیٹ ممکن
اس کے ساتھ ہی، واٹس ایپ نے آئی او ایس بیٹا ورژن 25.28.10.70 میں ایک اور تبدیلی متعارف کرائی ہے۔ اس اپ ڈیٹ کے تحت ایپ کے نیچے موجود چیٹس اور اپ ڈیٹس کے ٹیبز کی پوزیشن آپس میں بدل دی گئی ہے، اب چیٹس کا ٹیب سب سے آگے ہوگا جبکہ اپ ڈیٹس اس کی پرانی جگہ پر منتقل کردیا گیا ہے۔
یہ بظاہر معمولی سی تبدیلی صارفین کے استعمال کے انداز پر اثر انداز ہو رہی ہے۔ کئی صارفین اپنی عادت کے مطابق پرانی جگہ پر کلک کرتے ہوئے الجھن کا شکار ہیں، جس سے انہیں پریشانی کا سامنا ہے۔
کچھ صارفین نے اس اقدام کو غیر ضروری قرار دیا ہے جبکہ دوسروں کے نزدیک یہ منطقی قدم ہے کیونکہ چیٹنگ ہی واٹس ایپ کی بنیادی خصوصیت ہے۔
یہ بھی پڑھیں: واٹس ایپ کا نیا فیچر، اب پوری گروپ چیٹ کو ایک ساتھ الرٹ کرنا ممکن
مزید یہ کہ واٹس ایپ اس وقت لیکویڈ گلاس اپ ڈیٹ) پر بھی کام کر رہا ہے جس میں ایپ کا ڈیزائن بالکل نیا، جدید اور اسٹائلش بنایا جائے گا۔
واضح رہے کہ فی الحال ٹیبز کی یہ تبدیلی صرف محدود بیٹا ٹیسٹرز کے لیے متعارف کرائی گئی ہے۔ صارفین کی رائے اور فیڈ بیک کے بعد فیصلہ کیا جائے گا کہ اسے عام صارفین کے لیے بھی جاری کیا جائے یا نہیں۔
