سال 2025 کا پہلا سپر مون آج (منگل) رات پاکستان سمیت دنیا بھر میں آسمان پر نمودار ہوگا۔ اسپیس اینڈ اپر ایٹموسفیئر ریسرچ کمیشن (سپارکو) کے مطابق سپر مون کا مشاہدہ رات 8 بج کر 47 منٹ پر کیا جا سکے گا۔
مزید پڑھیں: دنیا آج ایک سال میں تیسری بار سپر مون کا نظارہ کریگی
سپارکو کے ترجمان کے مطابق چاند اس وقت زمین سے 361,457 کلومیٹر کے فاصلے پر ہوگا، جس کے باعث وہ عام چاند سے 13 فیصد زیادہ روشن اور 6.6 فیصد بڑا نظر آئے گا۔
یہ چاند مشرق میں سورج غروب ہونے کے کچھ دیر بعد طلوع ہوگا اور مغرب میں طلوعِ آفتاب سے قبل غروب ہو جائے گا۔
ترجمان نے بتایا کہ سپر مون کے قریب سیارہ زحل بھی دیکھا جا سکے گا۔ رواں سال مجموعی طور پر 3 سپر مون نظر آئیں گے۔ اگلا 5 نومبر اور پھر 5 دسمبر کو۔
مزید پڑھیں: سپر مون پاکستان میں کتنے بجے اپنے جوبن پر ہوگا؟
ماہرین فلکیات کے مطابق یہ قدرتی منظر آج رات ایک دلکش اور نایاب نظارہ پیش کرے گا۔
