برازیل کے دریا ریو نیگرو میں ایک جگوار کو توازن کھوتے اور پانی میں جدوجہد کرتے دیکھا گیا تو فوری طور پر ملٹری پولیس اور وائلڈ لائف ماہرین نے اسے بچانے کے لیے کارروائی کی۔
یہ بھی پڑھیں: غیر ممالک میں جانوروں کو بھی ڈوب کر مرنے نہیں دیا جاتا، امریکی ریسکیورز نے ہرن کے لیے جان لڑادی
اہلکاروں نے عارضی فلوٹیشن ڈیوائس بنا کر جگوار کو پانی سے نکالا اور ساحل تک کھینچ لائے۔ بعد ازاں اسے ایک خصوصی ویٹرنری کلینک منتقل کیا گیا جہاں معائنے کے دوران جگوار کے جسم میں گولیوں کے نشانات اور چمڑی کے نیچے گولیوں کے ٹکڑے پائے گئے۔
View this post on Instagram
ماہرین نے فوری سرجری کر کے گولیوں کے ٹکڑے نکال دیے، جس کے بعد جگوار اب بحالی کے عمل سے گزر رہا ہے، صحت یاب ہونے کے بعد اسے دوبارہ جنگل میں چھوڑ دیا جائے گا۔
یہ بھی پڑھیں: لاہور: سیلاب کے پانی میں پھنسے 6 شیروں کو ریسکیو کرلیا گیا
حکام کے مطابق واقعے کی تحقیقات شروع کر دی گئی ہیں تاکہ معلوم کیا جا سکے کہ محفوظ نسل قرار دیے گئے اس جانور پر کس نے فائرنگ کی۔
