وفاقی وزیرِ خزانہ و محصولات محمد اورنگزیب نے سعودی عرب کے وزیرِ خزانہ محمد الجدعان کو پاکستان میں جاری نجکاری مہم کے بارے میں آگاہ کیا، جس میں پاکستان انٹرنیشنل ایئرلائن (پی آئی اے) اور اہم ایئرپورٹس کی نجکاری کے منصوبے شامل ہیں۔
وزارتِ خزانہ کی جانب سے جاری بیان کے مطابق یہ ملاقات واشنگٹن ڈی سی میں آئی ایم ایف، ورلڈ بینک کے سالانہ اجلاس کے موقع پر ہوئی۔
Federal Minister for Finance and Revenue, Senator Muhammad Aurangzeb, met with His Excellency @MAAljadaan, Finance Minister of the Kingdom of Saudi Arabia, on the sidelines of the IMF–World Bank Annual Meetings in Washington D.C.
During the meeting, both sides reviewed the… pic.twitter.com/XPwxKRcs7O
— Ministry of Finance, Government of Pakistan (@Financegovpk) October 16, 2025
محمد اورنگزیب نے سعودی ہم منصب کو بتایا کہ حکومت شفافیت اور مؤثریت کے ذریعے اسٹریٹجک سرمایہ کاری کو فروغ دینے کے لیے پرعزم ہے۔
پی آئی اے کی نجکاری آخری مراحل میں
پی آئی اے کی نجکاری کا عمل اپنے آخری مراحل میں داخل ہو چکا ہے، اور حکومت کا ہدف ہے کہ 2025 کے اختتام تک فروخت کا عمل مکمل کر لیا جائے۔
یہ بھی پڑھیں:کور کمانڈرز کانفرنس میں پاکستان سعودی عرب اسٹریٹجک باہمی دفاعی معاہدے کاخیر مقدم
پی آئی اے ہولڈنگ کمپنی کے تحت یہ اقدام پاکستان میں تقریباً 2 دہائیوں بعد کسی بڑے سرکاری ادارے کی پہلی نجکاری ہوگی۔ یہ منصوبہ گزشتہ سال کے آئی ایم ایف بیل آؤٹ پروگرام کا اہم حصہ ہے، جس کا مقصد خسارے میں جانے والے سرکاری اداروں کی نجکاری ہے۔
پاکستان سعودی عرب تعلقات کا جائزہ
ملاقات کے دوران دونوں وزرا نے پاکستان اور سعودی عرب کے درمیان بڑھتے ہوئے تجارتی و سرمایہ کاری تعلقات کا جائزہ لیا۔
محمد اورنگزیب نے واضح کیا کہ پاکستان آئی ایم ایف پروگرام کے تحت معاشی اصلاحات پر پُرعزم ہے تاکہ طویل المدتی معاشی استحکام یقینی بنایا جا سکے۔
آئی ایم ایف سے عملہ جاتی سطح پر معاہدہ
بدھ کے روز آئی ایم ایف ٹیم نے پاکستانی حکام کے ساتھ عملہ جاتی سطح (Staff-Level Agreement) پر معاہدہ کر لیا، جو ایگزیکٹو بورڈ کی منظوری کے بعد مؤثر ہوگا۔ منظوری کی صورت میں پاکستان کو 1.2 ارب ڈالر کی قسط موصول ہوگی۔
عالمی اداروں کا کردار اور سعودی تعاون کی درخواست
دونوں وزرا نے اس بات پر اتفاق کیا کہ انٹرنیشنل فنانس کارپوریشن (IFC) اور ملٹی لیٹرل انویسٹمنٹ گارنٹی ایجنسی (MIGA) جیسے ادارے پاکستان میں نجی شعبے کی سرمایہ کاری کو فروغ دینے اور خطرات کم کرنے میں کلیدی کردار ادا کر سکتے ہیں۔
یہ بھی پڑھیں:پاکستان سعودی عرب معاہدہ کیا کچھ بدل سکتا ہے؟
محمد اورنگزیب نے سعودی عرب سے انفراسٹرکچر ترقیاتی منصوبوں کے لیے تعاون کی درخواست بھی کی اور کہا کہ پاکستان مملکت کے ساتھ اپنی معاشی شراکت کو مزید مضبوط بنانے کا خواہاں ہے۔
