بنگلہ دیش کے دارالحکومت ڈھاکہ کے ہوائی اڈے کے کارگو زون میں ہولناک آگ بھڑک اٹھی، جس کے بعد تمام پروازوں کی آمد و رفت معطل کر دی گئی۔
میڈیا رپورٹس کے مطابق ہفتے کی دوپہر حضرت شاہ جلال انٹرنیشنل ایئرپورٹ کے کارگو ایریا میں اچانک آگ لگ گئی،ایئرپورٹ کے کارگو ایریا کے گیٹ نمبر 8 کے قریب لگی۔
یہ بھی پڑھیں: دبئی سے ڈھاکا جانے والی غیر ملکی طیارے کی کراچی ایئرپورٹ پر ایمرجنسی لینڈنگ
بنگلہ دیش سول ایوی ایشن اتھارٹی کے ترجمان کوثر محمود کے مطابق ایئرپورٹ، بنگلہ دیش آرمی، ایئر فورس اور دیگر اداروں کے ریسکیو اہلکاروں نے مشترکہ کارروائی کرتے ہوئے آگ پر قابو پانے کی کوششیں شروع کر دیں۔
فائر سروس ہیڈکوارٹر کے اہلکار طلحہ بن جاسم کے مطابق آگ بجھانے کے لیے 25 یونٹس موقع پر پہنچے جبکہ بنگلہ دیش نیوی کی اضافی ٹیمیں بھی امدادی کاموں میں مصروف ہیں۔
ঢাকা এয়াপোর্টের রানওয়ে বন্ধ। ২৬টি ইউনিট একসাথে কাজ করছে, তবুও আগুনের লেলিহান শিখা এখনো অনিয়ন্ত্রিত।#Dhaka #Bangladesh pic.twitter.com/hZZnYvwnVO
— Public Press BD (@bd_public) October 18, 2025
انتظامیہ نے احتیاطی تدبیر کے طور پر ایئرپورٹ پر تمام فلائٹ آپریشن معطل کر دیے ہیں۔ ہینگرز میں موجود طیاروں کو ممکنہ نقصان سے بچانے کے لیے محفوظ مقامات پر منتقل کیا جارہا ہے۔
ایئرپورٹ حکام کے مطابق شام 5 بجے تک آگ پر بڑی حد تک قابو پا لیا گیا۔ ایئرپورٹ کے ترجمان فلائٹ لیفٹیننٹ مسعود کے مطابق صورتحال اب ’تقریباً قابو‘ میں ہے۔
یہ بھی پڑھیں: ڈھاکہ کی گارمنٹس فیکٹری میں آتشزدگی، کم از کم 16 افراد ہلاک
آگ کے باعث کئی پروازیں متاثر ہوئیں۔ ڈھاکہ سے کوالالمپور جانے والی بٹک ایئر کی فلائٹ OD-163 اور ممبئی جانے والی انڈیگو فلائٹ 6E-1116 ٹیکسی وے پر انتظار کر رہی ہیں۔
بینکاک سے آنے والی یو ایس بنگلہ ایئر لائنز کی پرواز اور شارجہ سے آنے والی ایئر عربیہ کی پرواز چٹاگانگ ایئرپورٹ پر اتاری گئی ہیں۔ دہلی سے آنے والی انڈیگو فلائٹ کولکتہ منتقل کر دی گئی جبکہ ہانگ کانگ سے آنے والی کیتھے پیسفک کی پرواز فضا میں چکر لگا رہی ہے۔
حکام کے مطابق حالات معمول پر آنے کے بعد موڑی گئی پروازوں کو دوبارہ ڈھاکا ایئرپورٹ لایا جائے گا۔
